Bracton: Thorne Edition: Latin. Volume 2, Page 342

Harvard Law School Library

Bracton Online -- Latin

Volume 2, Page 342

Next

Go to Volume: Page:

[001] se in aliquo conflictu, et aliquis sit interfectus inter tales, nec²³ appareat a
[002] quo nec ex cuius vulnere, omnes dici poterunt homicidæ, et illi qui percusserunt
[003] et qui²⁴ tenuerunt malo animo dum percussus fuit.²⁵ Item et illi qui
[004] voluntate occidendi venerunt licet non percusserunt. Item et illi qui nec²⁶
[005] occiderunt nec²⁷ voluntatem occidendi habuerunt, sed venerunt ut præstarent
[006] consilium et auxilium occisoribus, quamvis aliquando eorum violentia
[007] repellatur. Item non solum tenetur ille qui percutit et occidit, verum
[008] etiam ille qui præcipit percutere et occidere, quia²⁸ cum non sint immunes
[009] a culpa, immunes esse non debent a poena. Nec etiam ille qui cum posset²⁹
[010] hominem a morte liberare non³⁰ liberavit. Item fit homicidium in bello, et
[011] tunc videndum utrum bellum sit iustum vel iniustum. Si autem iniustum
[012] tenebitur occisor. Si autem iustum, sicut pro defensione patriæ, non tenebitur
[013] nisi hoc fecerit corrupta intentione.³¹

De officio coronatorum.

[015] CUM autem contingat homicidium fieri quandoque in domibus, quandoque
[016] in villa vel vicis, quandoque in campis extra villam et in nemoribus, et ad
[017] f.121b] coronatores pertineat de³² huiusmodi occisis, cum de³³ interfectore³⁴
[018] quis ille fuerit nesciatur, diligentem facere inquisitionem, ideo bonum
[019] est videre quale sit eorum officium in³⁵ hac parte. Est igitur³⁶ eorum officium,
[020] quod quam cito habuerint mandatum a ballivo³⁷ domini regis vel a
[021] probis hominibus patriæ illius, accedere debent ad occisos sive ad vulneratos,
[022] sive ad submersos vel subito mortuos, et ad domorum fractiones et ad
[023] locum ubi dicitur thesauri fuisse inventum. Et hoc facere debent statim et
[024] sine mora aliqua, et in adventu ipsorum³⁸ versus partes illas mandare debent
[025] quatuor vel quinque vel sex³⁹ villis vicinis quod statim veniant coram
[026] eis,⁴⁰ et per eorum sacramentum faciant inquisitionem de homine occiso,
[027] cum a coronatoribus fuerint requisiti.⁴¹

De inquisitionibus ubi occisus fuerit.

[029] IMPRIMIS scilicet ubi mortuus occisus fuerit, in domo vel in campo. Item
[030] si ad luctam vel ad tabernam vel⁴² aliam congregationem, et ubicumque
[031] inventus fuerit mortuus, tunc diligenter erit inquirendum qui tunc interfuerunt,
[032] sive masculus sive femina, maior vel minor, et qui illorum de facto
[033] fuerunt⁴³ culpabiles, et qui de forcia, consilio vel præcepto, et⁴⁴ qui fuerunt
[034] in causa aliqua⁴⁵ illius facti.⁴⁶ Et facta inquisitione diligenti, quotquot per

Notes

23. non, MG, CM.

24. Om., OB, MA, MB.

25. fuerit, V, MG, CE, OB, MA, MB.

26. non, MG, CM, OB, MA, MB; om., CE.

27. non, OB, MA.

28. et quia, OB, MA, MB.

29. possit, MG, OC.

30. et non, OB, MA, MB, MC, CE, OC, Y (+ et).

31. voluntate et intentione, V; voluntate, OB, MA, MB.

32. et, OB, MA, MB.

33-34. interfectione, OB, MA, MB.

35. Om., MG, CM.

36. enim, OB, MA, MB, CE.

37. ballivis, OB, MA, MB, CE, CM.

38. eorum, OA, OC.

39. sex de, CE, MA.

40. ipsis, V, MB.

41. inquisiti, OC, MG; (-- fu. req., CM).

42. vel ad, MA, MG, CM, OC.

43. fuerint, MA, MG, CE, CM, LA, Y, MC.

44. vel, OA, OB, MA, MB, LA, MC.

45. alia, OB, MA.

46. Om., OB, MA, MB (-- et).