Bracton: Thorne Edition: Latin. Volume 2, Page 328

Harvard Law School Library

Bracton Online -- Latin

Volume 2, Page 328

Next

Go to Volume: Page:

[001] eis consentient nec eorum receptatoribus.⁴⁵ Et si quos tales noverint, illos
[002] attachiari⁴⁶ facient et hoc vicecomiti et ballivis suis monstrabunt. Et si
[003] huthesium vel clamorem de talibus audiverint, statim audito clamore
[004] sequentur⁴⁷ cum familia et hominibus de terra sua. <Ad quod notari poterit
[005] quod si quis feloniam fecerit et statim captus fuerit, levato⁴⁸ huthesio,⁴⁹ cessabit
[006] secta. Et unde si homo per infortunium oppressus fuerit, submersus,
[007] vel aliquo alio modo mortuus, vel interfectus, statim levetur huthesium, sed
[008] sequi non oportet de terra in terram, villa⁵⁰ in villam, cum malefactor cap-
[009] f.116] tus sit, scilicet la bane.> Et traciam¹ conducent² per terram suam,
[010] et in fine terræ suæ illam monstrabunt dominis terrarum vicinarum. Et
[011] quod sic fiat secta de terra in terram cum omni diligentia donec malefactores
[012] comprehendantur. Et quod³ non remaneat tracia facienda nisi impedimentum
[013] interveniat per noctem supervenientem, vel alia rationabili causa,
[014] et quod⁴ illos quos suspectos habebunt pro posse suo arrestabunt, non expectato
[015] mandato iustitiarii vel vicecomitis, et quid⁵ inde fecerint scire
[016] faciant iustitiariis vel vicecomiti. Iurabunt etiam quod si aliquis venerit in
[017] villam vel burgum vel alibi, et emerit panem, cervisiam, vel alia victualia,
[018] et suspectus habeatur quod hoc sit ad opus malefactorum, ipsum arrestabunt
[019] et arrestatum vicecomiti vel ballivis suis liberabunt. Iurabunt etiam
[020] quod nullum de nocte recipient in domum suam ad hospitandum nisi bene
[021] notus sit, et si forte ignotum aliquem hospitaverint, quod non permittent
[022] eum⁶ in crastino recedere ante clarum diem,⁷ et hoc sub testimonio trium
[023] vel quatuor proximorum vicinorum. Convocentur⁸ postmodum servientes
[024] et ballivi hundredorum, et per ordinem irrotulentur hundreda sive wapentakia
[025] et nomina servientum, quorum quilibet affidabit quod de quolibet hundredo
[026] eliget quatuor milites, qui statim veniant⁹ coram iustitiariis ad
[027] faciendum præceptum domini regis, et qui statim iurabunt quod eligent
[028] duodecim milites vel liberos et legales homines si milites non inveniantur,
[029] qui neminem appellent¹⁰ nec sint appellati, nec male crediti de pace infracta,
[030] de morte hominis, vel alio maleficio, et per quos negotia domini regis
[031] possint melius et utilius expediri. Et nomina ipsorum duodecim statim
[032] imbreviari faciant in quadam cedula et illam liberent iustitiariis, qui etiam
[033] cum venerint iurabunt in hac forma, primus sic.

Notes

45. receptationibus, MG, CM.

46. attachiare, MG, CM, OC, OB; attach., MSS. var.

47. sequantur, V; sequuntur, MSS. var.

48-49. levat huthesium, OB, MB, MA (levet).

50. de villa, LA, OC.

1-2. postea traceam conducant, V.

3. Om., OB, MA, MB; quia, CM, MG.

4. Om., MG, CM.

5. quod, V, MA.

6-7. eum abire in crastinum ante clarum diem, MG, CM (ire), OC (redire).

8. convenienter, MG, CM, OC.

9. venient, MB, CE, Y, MG, MC.

10. appellant, V, MG, OC.