Bracton: Thorne Edition: Latin. Volume 2, Page 327

Harvard Law School Library

Bracton Online -- Latin

Volume 2, Page 327

Next

Go to Volume: Page:

DE PLACITIS CORONÆ

f.115b] Qualiter iustitiarii procedere debent in itinere suo et quo ordine.

[003] FACTA coram iustitiariis itinerantibus generali summonitione ad certos
[004] diem et locum, quæ ad minus continere debet spatium quindecim
[005] dierum, videndum erit²⁶ in primis qualiter procedere debeant²⁷ et quo ordine.
[006] Et sciendum quod in primis incipere debent de placitis coronæ, in²⁸
[007] quibus terminantur actiones criminales tam maiores quam minores, nisi
[008] ipse dominus rex forte in aliqua²⁹ parte aliter duxerit faciendum. Et in
[009] primis legantur brevia quæ dant eis auctoritatem et potestatem itinerandi,
[010] ut sciri possit³⁰ de eorum auctoritate. Quibus auditis, si iustitiariis placuerit,
[011] quidam maior eorum et discretior publice coram omnibus proponat quæ sit
[012] causa adventus eorum, et quæ sit utilitas itinerationis, et quæ commoditas
[013] si pax observetur. Et proponi solent verba ista per Martinum de Pateshilla.
[014] In primis de pace domini regis et iustitia eius violata³¹ per murdritores
[015] et robbatores et burgatores, qui malitiam suam exercent die ac nocte,
[016] non solum in homines de loco in locum itinerantes, sed in homines in lectis
[017] suis dormientes, et³² quod³³ dominus rex mandat omnibus fidelibus suis³⁴
[018] quod in fide³⁵ qua ei tenentur, et³⁶ sicut salvare sua voluerint, efficax et
[019] diligens præstent³⁷ consilium et auxilium ad pacem et iustitiam suam conservandam,
[020] et malitiam prædictorum tollendam et reprimendam, et huiusmodi
[021] plura.³⁸ Quibus propositis, debent iustitiarii se transferre in aliquem
[022] locum secretum, et vocatis ad se quatuor vel sex vel pluribus de maioribus
[023] de comitatu, qui dicuntur buzones³⁹ comitatus et⁴⁰ ad quorum nutum⁴¹ dependent⁴²
[024] vota aliorum, et sic inter se tractatum habeant iustitiarii ad invicem,
[025] et ostendant qualiter a domino rege et consilio suo sit provisum, quod
[026] omnes tam milites quam alii qui sunt quindecim annorum et amplius, iurare
[027] debent⁴³ quod utlagatos,⁴⁴ robbatores et burgatores non receptabunt, nec

Notes

26. est, LA, MC.

27. debeat, V, OB, MA; debet, MB.

28. et in, OB, MA, MB.

29. alia, OB, MA.

30. poterit, V; possunt, MG, CM.

31. violata et, OB, MB, Y; violenta, MA, MG.

32. Om., OB, CM.

33. quia, MG, CM.

34-35. suis ex fide, MG, CM.

36. Om., OB, MB, Y.

37. præstetur, LA, OB, MA, MB, CE, Y, MC.

38. placita, MA, MB, MG, CM, OC.

39. buzones, OA, OB, LA, CE, MC; busones, V, Y; barones, MA, MB; burgatores, MG, CM; butores, OC.

40. Om., OB, MA, MB.

41-42. initium dependeant, MG, CM, OC (mut.).

43. debeant, MG, CM.

44. utlagos, LA, MC; utlagatos murdritores, V, CM, MG (-rat-).