Bracton: Thorne Edition: Latin. Volume 2, Page 326

Harvard Law School Library

Bracton Online -- Latin

Volume 2, Page 326

Next

Go to Volume: Page:

[001] æstimationem iniuriæ. Competit etiam domino actio indirecta, quatenus sua
[002] interfuit non caruisse servitiis famulorum et operis¹⁸ servorum et huiusmodi.
[003] Competit etiam domino actio ex hoc si tales verberati sunt vel pulsati
[004] in dedecus¹⁹ ipsius domini, etiam²⁰ si servitio et operis²¹ servorum non
[005] caruerit. Et ita poterit interesse sua aliquando, ratione alterius istorum, et
[006] aliquando ratione utriusque, ut si dicat se nolle sustinuisse damnum pro
[007] tanto, nec pudorem vel dedecus pro tanto, coniunctim vel divisim. Sed
[008] videndum inter cetera quæ istarum sit præiudicialis, et si una dependeat ex
[009] alia. Et videtur quod sic, quia esto quod serviens vel²² servus cui violentia
[010] illata est in probatione sua defecerit, licet querela vera sit, videtur quod
[011] per hoc extincta sit actio domini, quia si factum non²³ probetur, quod est
[012] principale, quod valere non debeat aliquid quod dependeat ex eo, et perinde²⁴
[013] quod talis non verberatur ad dedecus ipsius, nec ad damnum. Sed
[014] re vera quamvis²⁵ tales in probatione sua defecerint, nihilominus subesse
[015] poterit verum quod ita fuit. Et unde si unus non probaverit, alius potest.
[016] Idem erit si tales se retraxerint vel sequi noluerint.

Notes

18. operibus, V, OC, CE.

19. delictis, MG, CM.

20. et etiam, OB, MA, MB; et, LA, MG.

21. operibus, V, OC, CE; opere, OB, MA, MB, Y.

22. sive, OB, MA, MB, Y, CE.

23. Om., MG, CM.

24. proinde, V, MG, Y.

25. quatenus tales, CE, Y.