Bracton: Thorne Edition: Latin. Volume 2, Page 323

Harvard Law School Library

Bracton Online -- Latin

Volume 2, Page 323

Next

Go to Volume: Page:

[001] causa proprietatis per breve de recto, et postea velim recurrere ad aliam
[002] quæ sit de possessione, non possum, quia per hoc fieret præiudicium primæ,
[003] et cum utraque actio tam proprietatis quam possessionis sub actione de
[004] proprietate continetur. <Et notandum in fine quod¹² cum quis habeat
[005] plures actiones concurrentes de eadem re, una debet experiri, ut ff. quod
[006] metus causa, l. si¹³ mulier¹⁴ º si coactus, et ff. de tributoria actione, l. quod
[007] in heredem º eligere. Sed videtur contra ff. quorum legatorum, l. prima
[008] º quod autem, ubi dicitur quod si duæ competant actiones quas actor sciat
[009] sibi competere, et protestatus fuerit ex una rem suam consequi velle, licebit
[010] ei, et ita potest indefinite proponere actiones. Solutio: Ubi certus sum
[011] duas mihi competere actiones eligere cogor, ut ff. de tributoria, l. quod in
[012] heredem º eligere. Si autem ignorem quæ mihi competat, tunc sub generali
[013] verbo indefinite possum proponere actiones, ut in l. contraria. Vel ubi ex
[014] confessione adversarii dependet mea actio, cogitur adversarius exprimere
[015] cum fuerit interrogatus, utrum pro herede vel pro possessore possideat, ut
[016] sciatur per medium quæ actio mihi competat actori, licet titulum suæ possessionis
[017] dicere nemo¹⁵ cogatur, ut C. de heredibus l. cogi possessorem. Item si
[018] quis duo brevia simul vel diversis temporibus impetraverit, dum tamen illis¹⁶
[019] usus fuerit, electo uno brevi per quod agere voluerit et alio prius usus fuerit,
[020] ex secundo agere non poterit antequam se retraxerit a primo, ut de Abbate
[021] de Rivallibus et Petro de Sabaudia coram rege. Et notandum quod ubi
[022] duæ actiones de eadem re concurrunt, aut sunt rei persecutoriæ aut pœnæ.
[023] Si autem rei tantum, tunc in electione actoris erit qua voluerit experiri, ut
[024] prædictum est. Et una electa etcetera ut supra, ut ff. locati, l. si merces º
[025] culpæ nomine. Si autem pœnæ,¹⁷ tunc aut ex¹⁸ uno facto vel diversis. Ex
[026] uno et eodem facto, ut si quis aliquid per vim rapuerit, tenetur actione furti
[027] et interdicto unde vi. In quo casu, una electa non poterit recurrere ad aliam,
[028] nisi quatenus minus consecutus fuerit ex una, ut ff. de privatis delictis, l.
[029] non utique, et ff. de actionibus et obligationibus, l. si servum. Si autem ex
[030] diversis factis, tunc neutra tollitur per aliam, et ibi¹⁹ duæ actiones de eadem
[031] re concurrentes, una aliam²⁰ non consumit, ut in Institutionibus.²¹> <Item
[032] f.114b] notandum quod pœnalis actio non datur in heredes, nec transit
[033] in²² eos nisi lis fuerit contestata cum defuncto. Ad hoc facit ff. de publicanis
[034] et vectigalibus, l. interdum²³ º pœnæ, ubi dicitur quod pœnæ ab heredibus
[035] peti non possunt, si non est quæstio mota vivo eo qui delinquit. Et hoc sicut
[036] in ceteris quoque pœnis ita et²⁴ in vectigalibus. Item in causa criminis et

Notes

12. Om., OB, MA, MB.

13-14. similiter, V, OB, MA, CE, Y, MC.

15. non, LA, MC.

16. ille, V; illis, OB, CE, Y; ill., OA, LA, OC, MA, MC.

17-18. pœnæ et tunc ex, OA; pœnæ et tunc aut ex, CE, Y, OB, MA, MB.

19. ubi, OB, MA, MB, CE, Y, MC.

20. electa, LA, MC.

21. ut Institutionibus, LA, OB, MA, MB, CE, Y, MC.

22. ad, OC, MG, CM.

23. interdictum, OB, LA.

24. Om., OC, MG, CM.