Bracton: Thorne Edition: Latin. Volume 2, Page 32

Harvard Law School Library

Bracton Online -- Latin

Volume 2, Page 32

Next

Go to Volume: Page:

De hermaphrodito.

[002] HERMAPHRODITUS comparatur masculo tantum vel feminæ tantum secundum
[003] prævalescentiam sexus incalescentis.

De manumissione.

[005] ITEM qualiter servi efficiantur liberi per manumissionem, et quis possit
[006] manumittere et quis non, dicetur plenius infra de actionibus et servis
[007] fugitivis.

Quod nulla acceptio personarum apud deum est, tamen apud homines, quia quidam principantur in terris in rebus spiritualibus, et quidam in temporalibus.

[009] f.5b] LIBERORUM autem hominum quorumcumque nulla est acceptio apud
[010] deum nec etiam servorum, quia non est³¹ personarum acceptor deus, quia
[011] quantum ad deum qui maior est fiat³² tamquam minor, et qui præcessor fiat
[012] tamquam ministrator. Apud homines vero est differentia personarum, quia
[013] hominum quidam sunt præcellentes et prelati et aliis principantur: dominus³³
[014] papa³⁴ in rebus spiritualibus quæ pertinent ad sacerdotium, et sub eo
[015] archiepiscopi, episcopi, et alii prelati inferiores. Item in temporalibus³⁵
[016] imperatores, reges, et principes in his quæ pertinent ad regnum, et sub eis
[017] duces, comites et barones, magnates sive vavasores, et milites, et etiam
[018] liberi et villani, et diversæ potestates sub rege constitutæ. Comites videlicet
[019] qui³⁶ a comitatu sive a societate nomen sumpserunt, qui etiam dici possunt
[020] consules a consulendo. Reges enim tales sibi associant ad regendum populum
[021] dei, ordinantes eos magno honore et³⁷ potestate et nomine quando concingunt³⁸
[022] eos gladiis, id est ringis gladiorum.

Quid sint ringæ.

[024] RINGÆ enim dicuntur ex eo quod renes girant,³⁹ id est circumdant, et unde
dicitur, Accingereattingere, CE, MG. [025] gladio tuo etcetera. Et ringæ cingunt renes talium ut
[026] custodiant se ab incestu luxuriæ, quia luxuriosi et incestuosi deo sunt
[027] abominabiles.

Quid significat gladius.

[029] GLADIUS autem significat⁴¹ defensionem regni et patriæ. Sunt et⁴² alii
[030] potentes sub rege, qui barones dicuntur, hoc est robur belli. Sunt etiam alii
[031] qui dicuntur vavasores, viri magnæ dignitatis. Vavasor enim nihil melius
[032] dici poterit quam vas sortitum ad valetudinem. Sunt etiam sub rege milites,
[033] scilicet ad militiam exercendam electi, ut cum rege et supradictis militent,

Notes

31. Om., OA, LA, MB, CE, Y, OB (+), OC (+).

32. sit, LA, CM, MG.

33. ut dominus, OB; sicut dominus, MG, CM.

34. papa videlicet, V, LA, OC, HA, MC.

35. temporalibus sunt, V; temporalibus etiam, OB, MA, MB, Y.

36. quia, V, OB, MA, Y.

37. id est, OB, MA, MB, Y.

38. accingunt, V; contingunt, OB, LA, Y, MC, CM, MG; (* con) cingunt, MA; attingunt, HA.

39. gerant, MA, MG; rigant, OC.

41. signat, MSS. var.

42. etiam, OB, MA, MC, MG; autem, CE.