Bracton: Thorne Edition: Latin. Volume 2, Page 317

Harvard Law School Library

Bracton Online -- Latin

Volume 2, Page 317

Next

Go to Volume: Page:

[001] prædictus vicecomes noster vobis scire faciet, accedatis apud talem locum
[002] ad prædictam inquisitionem simul cum prædicto B. et præfato vicecomiti
[003] nostro faciendam, ut diligentiam vestram et discretionem merito debeamus
[004] commendare. In cuius rei testimonium etcetera. Teste etcetera. Et fiat
[005] aliud breve consocio suo consimile et clausum, et etiam super eodem fiat
[006] breve vicecomiti clausum in hac forma.

Breve vicecomiti clausum super eodem.

[008] REX vicecomiti salutem. Præcipimus tibi quod assumptis tecum dilectis et
[009] fidelibus nostris A. et B. quos ad²¹ hoc²² iustitiarios nostros constituimus, in
[010] propria persona tua²³ accedas ad talem locum, et illic coram te et coram
[011] præfatis iustitiariis nostris venire facias viginti quatuor de legalioribus et
[012] discretioribus militibus de comitatu tuo, per quos rei veritas etcetera, et
[013] qui nec prædictos C. et D. aliqua affinitate attingant, vel qui²⁴ aliquo modo
[014] non sint essoniabiles, ad recognoscendum super sacramentum suum si præ-
[015] f.112] dictus C. prædictum D. robbavit, vel aliam iniuriam ei fecit contra
[016] pacem nostram. Et ita quod omnia procedant secundum querelam conquerentis.
[017] Et tunc sic: Et inquisitionem illam vel inquisitionem quam inde
[018] feceris venire facias coram nobis, vel scire facias nobis tali die vel sine dilatione.
[019] Et scire facias prædicto C.¹ ad quem diem facere volueris inquisitionem
[020] illam, ut inde tempestive præmuniatur, et ut prædicta inquisitio in
[021] præsentia utriusque partis procedat si voluerint interesse. Et ita te habeas
[022] in hoc negotio etcetera. Teste etcetera. Et infiniti sunt casus et formæ infinitæ
[023] quibus constituuntur iustitiarii, secundum quod inferius videri poterit
[024] in multis locis. Sed hæc ad præsens sufficiant² exempli causa.

In adventu iustitiariorum de ordine proponendi actiones et eorum officio.

[026] IN adventu iustitiariorum ad omnia placita ex iuridictione sibi delegata,
[027] pertinet ad eos audire querelas singulorum et petitiones, ut unicuique fiat
[028] iustitia et quod suum fuerit tribuatur. Et si sit qui putet³ se petitionem
[029] habere, actionibus debet experiri, quia nemo sine actione experitur, et hoc⁴
[030] non⁵ sine brevi et⁶ libello conventionali, quia nemo de libero tenemento suo
[031] sine brevi vel eius pertinentiis nisi gratis voluerit respondebit. Quod si ad
[032] hoc iniuste artatus fuerit, subvenitur ei per tale breve domini regis vicecomiti
[033] directum in hac forma.

Breve ne quis implacitetur sine brevi et præcepto domini regis.

[035] REX vicecomiti salutem. Præcipimus tibi quod non implacites vel implacitari
[036] permittas talem de libero tenemento suo in tali villa, sine speciali præ-

Notes

22. Om., OB, MA, MB, CE.

21-22. Om., Y.

23. Om., OB, MA, MB.

24. Om., OC, MG.

1. D., MSS. var.

2. sufficiunt, LA, MA, MC.

3. putat, V; petet, MA, MB, CE; petit, OB, Y.

4. Om., OB, MB.

4-5. Om., MA.

6. sive, V, OA, OC; vel sine, MG; et sine, CM.