Bracton: Thorne Edition: Latin. Volume 2, Page 308

Harvard Law School Library

Bracton Online -- Latin

Volume 2, Page 308

Next

Go to Volume: Page:

De potestate iustitiariorum.

[002] f.108b] EST autem eorum potestas quod ex¹³ quo¹⁴ eis commissa est causa,
[003] una vel plures licet simpliciter, extenditur eorum iurisdictio ad omnia, sine
[004] quibus causa terminari non potest, quantum ad iudicium et executionem
[005] iudicii. Et eodem modo si causa fuerit incidens vel emergens et præiudicialis,
[006] ad alias vero res et alias personas non possunt iurisdictionem suam
[007] extendere nec de aliis cognoscere, quam de his quæ in commissione continentur,
[008] cum fines mandati diligenter sint¹⁵ attendendi.

Qualiter et quando finiatur eorum potestas et iurisdictio.

[010] ET quamvis quidam eorum perpetui sint¹⁶ ut videtur, finitur tamen eorum
[011] iurisdictio multis modis, scilicet mortuo eo qui delegavit vel mortuo eo sub
[012] cuius proprio nomine causa delegatur. Item cum delegans revocaverit iurisdictionem
[013] vel alium dederit iustitiarium, re integra ex toto vel in parte.
[014] Item si ipse delegatus remittat causam ad ipsum delegantem vel ad¹⁷ alium
[015] delegatum, ex causa propter certum¹⁸ diem¹⁹ et certum locum. Item finitur
[016] lata sententia et executioni demandata, quia iudex per iudicium redditum
[017] functus est officio suo, et iuratores liberati sunt a sacramento,²⁰ nisi sit qui
[018] dicat quod reddito iudicio nihilominus possit iustitiarius iuratores revocare
[019] ad certificandum vel inquirere de falso sacramento, secundum quod iustitiarius
[020] fuerit capitalis vel itinerans generaliter ad omnes causas. Re vera
[021] cum iudicium debito modo redditum sit, non potest iustitiarius qui iudicium
[022] reddidit²¹ illud postea corrigere vel mutare, eodem tamen die quo
[023] redditum est²² supplere poterit in his quæ pertinent ad consequentias. Sed
[024] hoc ultimo locum habet in personis eorum qui constituti sunt iustitiarii ad²³
[025] assisas specialiter capiendas, ut unam, duas, vel plures. Et notandum in
[026] fine quod nullus iustitiarius a domino rege sic²⁴ delegatus²⁵ poterit aliquem
[027] sibi subdelegare.

Qualiter constituendi sunt iustitiarii ad itinerandum de comitatu in comitatum generaliter ad omnia placita vel ad specialia.

[029] UT autem de capitalibus iustitiariis et²⁶ in banco residentibus ad præsens
[030] taceamus, videndum qualiter constituendi sunt iustitiarii ad itinerandum
[031] de comitatu in comitatum, ad omnes causas generaliter vel ad certas, et
[032] postea qualiter ad speciales, unam, duas vel plures. Si autem constituti
[033] debeant ad omnes causas²⁷ generaliter, tunc præstito sacramento qualiter se
[034] f.109] gerere debeant in itinere suo, fiat cuilibet eorum breve specialiter

Notes

14. Om., CE.

13-14. Om., OB, MA, MB, Y (+).

15. sunt, OC, MG.

16. sunt, V, MG.

17. Om., OB, MA, MB.

18-19. certitudinem, OC, MG.

20. sacramento suo, OB, MA, MB.

21. reddit, OB, MA, MB.

22. sit, OB, MA, MB, CE, Y, CM.

23. ad aliquas, V, OA; ad alias, MC.

24-25. Om., OB, MA, MB.

26. Om., V, MG.

27. Om., OB, MA, MB.