Bracton: Thorne Edition: Latin. Volume 2, Page 277

Harvard Law School Library

Bracton Online -- Latin

Volume 2, Page 277

Next

Go to Volume: Page:

[001] resistendi, quam si non habuerit et resistat per malitiam, omnia damna
[002] restituet mulieri petenti secundum valorem totius dotis illam contingentis
[003] a tempore mortis viri sui, et omne interesse quatenus sua interfuit dotem
[004] suam habuisse usque ad diem quo seisinam suam per iudicium recuperaverit,
[005] et nihilominus warantus in misericordia remanebit. Et illud idem erit
[006] si cum tota dos vacaverit die quo maritus obierit, et nihil fuerit alienatum
[007] in vita sua, si uxor se in dotem nominatam posuerit, et inde ante assignationem
[008] eiecta fuerit, nec fuerit ei satisfactum sine placito et dilatione: et
[009] hoc semper tenendum nisi heres vel custos iustam habeant causam resistendi.
[010] Illud etiam erit si a tenemento quod ei assignatum est ad quarentenam
[011] suam ante assignationem dotis eiciatur, infra quarentenam vel post.
[012] Item illud idem si omnino extra teneatur quod non habeat ubi caput suum²⁴
[013] reclinet.²⁵ Si autem cum tota vacaverit et heres contendere nolit, sed
[014] gratis et sine placito ei dotem restituere velit, videndum est quæ sint ei
[015] nomine dotis restituenda. Et si de incerta parte fiat dotis constitutio ad
[016] ostium ecclesiæ, de adquisitis et²⁶ adquirendis, conveniens erit quod heres
[017] ei assignet in dotem tertiam partem totius liberi tenementi, quod habuit
[018] antecessor suus in dominico suo ut de feodo die quo eam desponsavit, et
[019] ita in dominico et²⁷ feodo quod eam inde dotare potuit. Et hæc vera sunt
[020] nisi constitutio dotis alio modo tempore constitutionis ad ostium ecclesiæ
[021] facta fuerit, et quo casu sequenda erit constitutio cum de ea constiterit.
[022] Integre enim et non per particulas vel in parte²⁸ fieri debet assignatio,
[023] scilicet de omnibus terris et tenementis secundum modum constitutionis,
[024] in dominicis, villenagiis, feodis militum, homagiis, et servitiis liberorum
[025] hominum, in advocationibus ecclesiarum. Et secundum quod fuerit nominatim
[026] dotata vel non nominatim, cum advocatione vel sine, et sive ibi sint
[027] plures advocationes sive una, semper in constitutione dotis et in assignatione
[028] erit inde habenda ratio, ut vel unam ex pluribus retineat vel quod ei
[029] inde aliunde satisfiat²⁹ ad valentiam, cum advocationes aliquando non recipiant
[030] divisionem. Et semper tenendus est modus constitutionis. Et licet de
[031] advocationibus in constitutione dotis nulla mentio facta sit nec in assignatione,
[032] nec sit in hereditate nisi unica ecclesia, cum³⁰ post mortem viri in vita
[033] uxoris non debet³¹ heres de iure illam conferre sine assensu uxoris. Sed quid
[034] si noluerit consentire? Heres qui duas partes habet in præsentatione præferetur,
[035] quia quamvis ecclesia magni valoris extiterit, tamen³² occasione
[036] dotis non dividitur, quia non patitur sectionem, et maxime quia ab antiquo
[037] divisa non fuerit. Si autem de advocatione non sit mulieri aliter satisfactum,
[038] videtur prima facie quod si in vita ipsius ter vacaverit, quod de æqui-

Notes

24. Om., OA, LA, OC, MC.

25. inclinet, MG, Y, CM.

26. scilicet et, OA, LA, MC, CE, V.

27. et in, CE, MC.

28. partes, MG, CM.

29. satisfaciat, V, OC, OB, MA, MB, Y, MG, CM.

30. tamen, CE, Y.

31. debeat, OB, MA, MB.

32. cum, MG, CM.