Bracton: Thorne Edition: Latin. Volume 2, Page 276

Harvard Law School Library

Bracton Online -- Latin

Volume 2, Page 276

Next

Go to Volume: Page:

[001] prædictum est. Et habeat rationabile estoverium suum interim de communi.
[002] Et pro dote sua cum fuerit deliberata, assignetur ei tertia pars totius
[003] terræ mariti sui quæ sua fuit in vita sua, vel alio modo satisfiat⁵ ei secundum
[004] quod ad ostium ecclesiæ dos ei fuit⁶ constituta, nec distringatur ad maritandum
[005] se dum vivere voluerit sine viro, et ita tamen quod securitatem faciat
[006] capitali domino quod se non maritabit sine assensu suo de quocumque tenere
[007] debeat, de domino rege vel de alio.

Qualiter dos fuerit ei assignanda.

[009] SI autem tota dos vacaverit, tunc infra quadraginta dies assignetur ei dos
[010] sua legitima,⁷ et secundum quod ad ostium ecclesiæ ei⁸ fuit⁹ constituta,
[011] secundum quod tunc fuerit culta vel inculta, cum fructibus et redditibus
[012] et omnibus aliis pertinentiis. Et nihil refundatur executoribus vel heredibus
[013] pro cultura et cura, quia antiquitus solet observari quod sicut uxor
[014] dotem suam recipit post mortem viri¹⁰ cultam vel incultam, ita post mortem
[015] uxoris solet restitui heredi culta vel inculta, quia de¹¹ bladis et fructibus
[016] a tenemento non¹² separatis non habuit uxor testamenti factionem. Sed
[017] nova superveniente gratia et provisione, sicut patet de provisionibus apud
[018] Mertonam, inter placita quæ sequuntur regem Henricum anno regni sui
[019] vicesimo,¹³ modo¹⁴ poterit uxor de fructibus et bladis, sive a solo separata
[020] fuerint sive non, testari et pro voluntate sua disponere. Si autem pars dotis
[021] vacaverit et pars non, tunc illam partem quæ vacaverit recipiet. Et non
[022] vacantem petat per actionem per breve de recto si voluerit, nisi de consilio
[023] duxerit ad tempus abstinendum, ne¹⁵ per receptionem partis¹⁶ sibi¹⁷
[024] præiudicet quantum ad exactionem residui, propter dilationem quæ evenire¹⁸
[025] poterit per breve de recto si aliquid inde reciperet,¹⁹ propter verba
[026] in brevi de dote contenta, scilicet et unde nihil habet, secundum quod inferius
[027] dicetur inter actiones de exceptionibus contra²⁰ petitionem²¹ dotis. Cum
[028] autem nihil vacaverit tempore quo vir moritur, sed tota hereditas alienata
[029] extiterit in manibus aliorum, non habent tenentes necesse statim dotem
[030] f.96b] restituere nisi velint, cum iustam causam habeant resistendi et
[031] vocandi warantum suum,²² unum vel plures successive usque ad personam
[032] heredis et waranti uxoris de dote sua, infra quod tempus non tenentur
[033] mulieri ad restitutionem damnorum vel expensarum. Qui quidem cum
[034] warantizaverit, statim dotem restituat mulieri nisi iustam causam habuerit²³

Notes

5. satisfaciat, V, OB, MA, MB, CE, Y, CM, OC; satisfactum, MG.

6. fuerit, MA, CE, MG, CM, OC.

7. Om., OB, MA, MB.

8. Om., V, MG.

9. fuerit, OC, MG, CE, LA.

10. viri sui, OB, MA, MB.

11. si de, MG, CM, Y.

12. Om., OB, MA, MB, MG, Y.

13. XV, XVIII, XV alias XVIII, MSS. var. (v. vol. I, p. 137).

14. Om., OA, LA, OC, CE, CM.

15. nisi, OB, MA, MB, MG, Y, CE.

16. pars, OB, MA, MB, MG.

17. Om., OB, MA, MB.

18. venire, OC, OD, V.

19. recipiat, V; recipiet, OB, MA, MG; receperit, CM.

20-21. Om., OB, MA, MB.

22. Om., OA, LA, OC, OB.

23. habeat, MG, Y, CM.