Bracton: Thorne Edition: Latin. Volume 2, Page 267

Harvard Law School Library

Bracton Online -- Latin

Volume 2, Page 267

Next

Go to Volume: Page:

[001] ratione, sed non si tantum fiat separatio tori. Item heres quandoque lucratur
[002] dotem post mortem viri, cum fuerit assignata ex consuetudine civitatum
[003] et comitatum, sicut in Cantia et Londonia et Lincolnia et alibi. Et
[004] sciendum quod maritagium ob causam matrimonii semper remanet mulieri
[005] et heredibus suis, si heredes habuerit. Si autem non, revertitur²⁰ pro
[006] defectum heredum. Et eodem modo dos parapharnalis heredibus quibuscumque.>

De qua re.

[008] DE qua re? Et sciendum quod si vir terras habuerit et tenementa, dotare
[009] poterit uxorem suam, dum tamen modum non excedat, de quacumque terra
[010] voluerit et de cuiuscumque feodo extiterit, quamvis per²¹ hoc auferat
[011] domino capitali custodiam feodi sui, cum uxor dotem obtinuerit: damnum
[012] quidem ei facit sed nullam iniuriam, cum si custodiam non habuerit, sufficiat
[013] ei relevium. Et de hac materia inveniri poterit de termino Paschæ anno
[014] regis Henrici duodecimo, comitatu Lincolniæ, de Idonea quæ fuit uxor
[015] Nicholai Burdet.²² Item de terris et tenementis propriis quæ tenuerit²³ in
[016] feodo sibi et heredibus suis, et non²⁴ ad terminum vitæ vel annorum, sive
[017] illa tenuerit vir ex causa successionis vel perquisiti, vel alio quocumque
[018] modo: et unde si feoffatus fuerit pure et²⁵ sine aliqua condicione sibi et
[019] heredibus suis,²⁶ certis et²⁷ expressis²⁸ vel indeterminatis, quamvis tales
[020] heredes non habuerit, sive bastardus fuerit sive legitimus, vel si tales heredes
[021] habuerit et defecerint, ita quod terra²⁹ reverti debeat ad donatorem per
[022] condicionem tacitam vel expressam, uxor dotem obtinebit: quia pura est
[023] donatio ab initio, et puram feoffamentum, quamvis per condicionem tacitam
[024] vel expressam dissolutum. Si autem ita facta esset donatio, ut si dicatur,
[025] Do tibi tantum³⁰ terræ,³¹ nulla facta mentione de heredibus, ista donatio
[026] se non extendit ad heredes nisi tantum ad vitam donatarii, et quia non
[027] in feodo nisi ad vitam, ideo cessat dotis petitio. Si autem adiciat in donatione
[028] ita,³² Do³³ tibi et heredibus tuis si heredes habueris tales, vel de tali
[029] uxore, ista donatio non est ab initio perfecta, sed dependet ex insidiis fortunæ,
[030] nec erit perfecta antequam existat condicio, quod heredes habuerit
[031] tales vel de tali uxore, quæ si defecerit, non erit ibi feodum sed tantum
[032] liberum tenementum ad³⁴ vitam,³⁵ et ita cessabit dotis petitio. Si autem
[033] tales heredes habuerit vel de tali uxore, quamvis defecerint, statim incipit
[034] esse feodum et donatio perfecta, et competit uxori petitio dotis. In primo
[035] autem³⁶ casu est donatio pura, sed resolvitur sub condicione tacita vel ex-

Notes

20. revertetur, MG, CM, Y.

21. super, MG, CM.

22. Burdethe, Burdeche, MSS. var.

23. tenuit, CE; tenuerunt, OB, MA.

24. Om., CE, MA, MB, Y, MC.

25. Om., OA, LA, MC, OC, CE, OB, MA, MB.

26-28. Om., CE.

27-28. Om., OB, MA, MB.

29. terra data, V, OA, LA, OC, MC.

30-31. tantam terram, V, OC.

32-33. Om., OB, MA, MB.

34-35. Om., OB, MA, MB.

36. Om., MG, CM, (+ Y).