Bracton: Thorne Edition: Latin. Volume 2, Page 262

Harvard Law School Library

Bracton Online -- Latin

Volume 2, Page 262

Next

Go to Volume: Page:

[001] patre vel matre feoffatore præmortuis, herede non maritato, pertinebit
[002] maritagium ad primum feoffatorem, nec mutatur ordo nec prioritas. Si
[003] autem immediate de capitalibus dominis, adhuc illud idem observabitur,
[004] dum tamen simul et semel et eodem tempore, quia si aliter esset, sciri non
[005] posset quis ipsorum³³ esset in maritagio præferendus. Si autem pater vel³⁴
[006] mater non simul sed diversis temporibus feoffaverint heredem de diversis
[007] feodis, tenendi de se vel de dominis capitalibus, et si dominis capitalibus,
[008] tunc mutatur ordo primæ prioritatis, et tenet novus ordo novi feoffamenti.
[009] Si autem de se et heredibus suis, adhuc tenet vetus ordo et prioritas, quæ
[010] non mutatur quantum ad personas eorum per novum feoffamentum, et ad
[011] eos³⁵ pertinebit maritagium quamdiu vixerint. Illis autem³⁶ præmortuis,
[012] herede non maritato, cum heres ratione successionis antecessorum et non
[013] feoffamenti sibi facti incipiat esse sub potestate capitalium dominorum,
[014] reincipit esse primus ordo prioritatis qui mutatus fuit et alteratus per feoffamentum
[015] heredis. Et quod dictum est de filio antenato et herede, locum
[016] habet in filio postnato, si post feoffamentum suum contingat ipsum esse
[017] heredem. Si autem non, teneat feoffamentum et maritagium inter ipsum
[018] et warantum suum. Si autem pater vel mater partem hereditatis dederint
[019] filio et heredi simul et semel vel successive, et partem retinuerint, quid iuris
[020] esse debeat de maritagio habendo satis elici poterit ex præmissis. Item si
[021] pater et mater hereditatem habentes simul vel successive heredem feoffa-
[022] f.91] verint vel filium postnatum de utraque hereditate, et aliquid retinuerint,
[023] mortuo tam patre quam matre, filio infra ætatem existente et
[024] non maritato, erit illud quod retentum est primum feoffamentum, cum
[025] heres in manus¹ dominorum devenerit, licet illud esset ultimum in personis
[026] antecessorum. Item cum filium et heredem feoffaverint de utraque hereditate
[027] pater et mater tenendi² de eis, et nihil sibi retinuerint, tunc illud
[028] feodum erit præferendum quod fuit primum per novum feoffamentum
[029] exclusa prioritate feoffationis antecessorum. Item esto quod successive
[030] feoffaverint filium postnatum tenendi de se et heredibus suis, maritagium
[031] heredis talis ad eos pertinebit: nec habenda est ratio quantum ad eos et
[032] heredes suos de prioritate feoffamenti, cum unus sit feoffator et unus heres,
[033] nisi ita sit forte quod ille postnatus heres efficiatur, quo casu præfertur ille
[034] in maritagio habendo de cuius feodo talis fuit³ primo feoffatus, et tenebit
[035] novitas exclusa vetustate. Aliter enim esset si de utraque hereditate simul
[036] ex⁴ toto esset feoffatus. Item et eodem modo si cum heres patris vel matris
[037] feoffatoris⁵ infra ætatem et in custodia domini capitalis, cum parentes feof-

Notes

33. eorum, OC, MG, CM.

34. et, MG, CM.

35. ipsos, V, OA, LA, OC, MC.

36. tamen, V; om., LA.

1. manu, OC, MG, CM.

2. tenendi, MG; tenend., MSS. var.

3. Om., OB, MA, MB, MG, CM; fuerit, LA, MC.

4. et ex, V, LA, OC, MC.

5. feoffatoris sit, V; feoffatus, LA.