Bracton: Thorne Edition: Latin. Volume 2, Page 257

Harvard Law School Library

Bracton Online -- Latin

Volume 2, Page 257

Next

Go to Volume: Page:

[001] iniuria dominorum, dum tamen si femina fuerit heres et maritanda, licet
[002] plenæ ætatis extiterit, se maritare non poterit sine assensu capitalis domini
[003] ad quem pertinere dinoscitur maritagium, ratione paulo antedicta, ne cogatur
[004] dominus etcetera. Si autem masculus et heres et plenæ ætatis,²⁰ se maritare
[005] poterit quando voluerit et ubi, assensu capitalis domini non requisito.
[006] Nulla enim poterit esse causa in masculo herede quare uxorem non ducat,
[007] f.89] quæ esse²¹ posset in femina cum viro nubat. Si autem cum²² heres infra
[008] ætatem extiterit et sub custodia parentum de socagio, propinquior consanguineus
[009] eum maritare poterit sine alicuius iniuria, vel aliis vendere maritagium,
[010] dum tamen in femina herede observetur quod superius dictum est
[011] de feodo militari. Cum autem heres minor et non maritatus extiterit sub custodia
[012] domini, masculus vel femina, sicut¹ de feodo militari, ad dominum capitalem
[013] sub cuius custodia ipse fuerit pertinebit maritagium pleno iure: et ipsum
[014] maritare poterit quando voluerit et ubi, dum tamen non disparagetur,
[015] vel vendere² maritagium cui voluerit, dum tamen in vita venditoris maritetur,
[016] et maritare eum poterit non tantum semel sed sæpius, quamdiu fuerit
[017] infra ætatem et sine uxoris. Si autem dominus capitalis cui competit maritagium
[018] negligens extiterit, quod heredem infra ætatem non maritaverit nec ei
[019] maritagium obtulerit, quod de iure recusare non posset, extunc cum heres
[020] effectus fuerit plenæ ætatis et sui iuris, se ipsum maritare poterit sine
[021] iniuria alicuius. Eodem³ modo, si cum⁴ capitales domini contenderint⁵ de
[022] maritagio cum⁶ pervenerit ad ætatem. Si autem infra ætatem heres propria
[023] voluntate se maritaverit, vel per consilium alterius quam domini capitalis,
[024] sive sit masculus sive femina, item si cum dominus capitalis ei uxorem
[025] obtulerit quam de iure recusare non possit,⁷ et ad voluntatem domini capitalis
[026] se maritare noluerit dicendo quod nondum voluntatem habet maritandi
[027] se, dominus non poterit ei in hoc necessitatem imponere quod hoc
[028] faciat invitus, cum libera debeant esse coniugia: prospicitur tamen ei in
[029] hac parte quod ultra ætatem heredis retineat hereditatem, quousque inde
[030] perceperit ad valentiam maritagii, vel donec ei inde fuerit aliter satisfactum.
[031] Item quotienscumque contigerit unum ex pluribus heredibus infra
[032] ætatem mori, et alii sint infra ætatem masculi vel feminæ, habebit dominus
[033] capitalis maritagium cuiuslibet post alium dum fuerint infra ætatem.

Si plures et diversæ hereditates sint alicui descendentes tam ex parte patris quam ex parte matris.

[035] DICTUM est in præcedentibus quid iuris sit⁸ si una sit⁹ hereditas descendens

Notes

20. ætatis fuerit, V, MG.

21. Om., OB, MA, MB.

22. Om., OB, MA, MB.

1. Om., MG, CM.

2. vendere ei, V, OA, LA, OC; ven. eius, Y.

3. et eodem, V, LA, OA, OC, MC.

4. Om., MG, Y.

5. contendunt, MG, CM; contendent, OC.

6. Om., OA, LA.

7. posset, OB, MB, MG; (-- non possit, MA).

8. Om., OA, LA, OC.

9. Om., OB, MA, MB, MG, Y (+ sit).