Bracton: Thorne Edition: Latin. Volume 2, Page 248

Harvard Law School Library

Bracton Online -- Latin

Volume 2, Page 248

Next

Go to Volume: Page:

[001] num capitalem de cuius feodo fuerit. Si autem talis fuerit plenæ ætatis,
[002] videndum cui facere debeat relevium, domino capitali vel suo waranto, cum
[003] statim capi possit homagium quamvis heres et warantus suus infra ætatem
[004] extiterit, et cum captum sit homagium, statim sequi²⁵ debet²⁶ relevium, et
[005] per hoc quod statim sit domino capitali solvendum. Sed videtur secundum
[006] quosdam quod quamvis relevium sequatur homagium, quod non sit ante
[007] ætatem waranti solvendum. Esto etiam quod tenens tenentis alicuius cum
[008] domino suo talem fecerit conventionem, quod post mortem suam heres suus
[009] si infra ætatem fuerit non sit sub custodia sua, sed sub custodia parentum
[010] suorum proximorum consanguineorum, vel si plenæ ætatis extiterit, quod
[011] nullum det²⁷ relevium. Et contingat postmodum quod talis dominus medius
[012] moriatur, herede infra ætatem relicto, et qui²⁸ cum fuerit sub custodia
[013] domini sui, petat idem dominus suus custodiam heredis secundi tenentis
[014] cum fuerit infra ætatem, vel relevium cum plenæ ætatis extiterit. Obicitur a
[015] parentibus conventio. Replicatur a domino quod factum tenentis sui non
[016] potuit ei auferre custodiam vel relevium, quod ei competiit²⁹ ratione heredis
[017] proximi tenentis sui in custodia sua existentis. Responsum est ei ex adverso
[018] quod nihil iuris clamare poterit in prædictis, non magis quam ille qui
[019] est in custodia sua³⁰ si esset plenæ ætatis, quia si ille peteret, obstaret ei
[020] conventio: quod quidem verum est, quod dominus capitalis nihil clamare
[021] potest. Sed distinguendum est³¹ utrum heres aliquis illius, cui talis facta
[022] fuit conventio, numquam³² fuerit³³ per talem concessionem sub custodia
[023] parentum cum esset infra ætatem, vel plenæ ætatis quietantiam haberet de
[024] relevio. Et quo casu præfertur conventio propter seisinam antecessoris, qui
[025] obiit seisitus de quietantia, et quia dominus et feoffatus suus quando obiit
[026] non fuit in seisina. Si autem tenens numquam quietantiam habuerit,³⁴ sed
[027] dominus obierit seisitus, dominus capitalis contra parentes obtinebit non
[028] alia ratione, nisi quia heres tenentis sui infra ætatem ad cartas et contra
[029] conventionem respondere non poterit.

Si de socagio dari debeat relevium et quid.

[031] DICTUM est de relevio quod præstatur de feodo militari. Nunc autem
[032] videndum si de socagio dari debeat relevium, cum³⁵ de socagio non competat³⁶
[033] domino capitali custodia neque homagium, et ubi nulla custodia, ibi³⁷
[034] nullum relevium, sed e contrario.³⁸ Re vera de socagio nulla domino capitali
[035] competit³⁹ custodia, sed parentibus ut prædictum est, neque homagium,

Notes

25-26. sequitur, MA, MB.

27. det, OB, OC, MB, CE; d. (debet?), OA, LA, MC, MA, MG, Y; debet dare, CM; dabit, V.

28. Om., MG, CM.

29. competit, CE, V.

30. Om., OB, MA, MB.

31. Om., OA, LA, Y, MC; erit, OC.

32. umquam, OA, LA; uniquam, OC.

33. fuit, OB, MA, CE.

34. habuit, OB, MA, MB, MC, MG, Y.

35. cum autem, MG, CM, Y.

36. competit, MG, CM.

37. Om., MG, CM, (+ Y).

38. Sed e contrario re vera, MSS. var.

39. competat, MA, V.