Bracton: Thorne Edition: Latin. Volume 2, Page 247

Harvard Law School Library

Bracton Online -- Latin

Volume 2, Page 247

Next

Go to Volume: Page:

[001] vel quacumque ratione ad vitam tenuerit, relevium dabit. Item nec ille
[002] qui aliquam duxerit in uxorem quæ aliquamdiu extiterit in custodia domini
[003] sui. Item nec ille qui quacumque⁷ ratione⁸ fuerit in custodia plus vel minus,
[004] dum tamen dominus nomine custodiæ receperit ad valentiam unius oboli.
[005] Item nec ille qui semel relevium dederit quamdiu vixerit aliud dabit.
[006] Possunt tamen quidam⁹ esse sub custodia et nihilominus relevium dabunt,
[007] quamvis¹⁰ fuerint infra ætatem, sed tunc demum dabunt¹¹ cum pervenerint
[008] ad ætatem et non ante. Sed hoc est speciale in rege propter suum privilegium,
[009] ut si quis per feoffamentum ipsius domini regis tenere debeat de eo
[010] in capite et heredibus suis in feodo, pure sine aliqua condicione, vel¹² sub
[011] condicione,¹³ dum tamen ipse rex teneatur ad warantiam et excambium, ipse
[012] rex¹⁴ habebit custodiam omnium terrarum quas¹⁵ talis tenuerit de aliis per
[013] servitium militare, de cuiuscumque feodo fuerint, usque ad ætatem heredis.
[014] Et cum talis ad ætatem pervenerit, restituta ei hereditate dabit relevium
[015] dominis suis et non prius, quia tenementum prius distringi non poterit
[016] quod¹⁶ extiterit in manu domini regis, nec tenementa eorum qui tenuerint
[017] de antecessoribus heredis, licet videatur quod distringi possint,¹⁷ quia heres
[018] infra ætatem homagium capere poterit et facere, et quod statim sequi debeat
[019] relevium homagium¹⁸ captum. Item esto quod heres sit astrarius, vel
[020] quod aliquis antecessor restituat heredi in vita sua hereditatem et se dimiserit,
[021] videtur quod nullo tempore iacebit hereditas. Et ideo¹⁹ quod relevari
[022] non²⁰ possit nec debeat, nec relevium dari. Sed re vera quotienscumque quis
[023] ingreditur ut heres et per decessum,²¹ relevatur hereditas in persona eius,
[024] et erit relevium dandum statim post homagium captum, quod quidem non
[025] fieret nisi ingrederetur ut heres. Item quæritur an libere tenentes alicuius
[026] heredis ad relevium dandum teneantur contribuere. Non ut videtur, sive
[027] sint propinquiores tenentes sive remotiores, cum quilibet de morte antecessoris
[028] proprii teneatur ad relevium suo feoffatori. Item quæritur si cum quis
[029] fuerit infra ætatem et in custodia domini sui, et tenens suus moriatur,
[030] herede relicto qui fuerit infra ætatem, in cuius custodia esse debeat. Et est
[031] verum quod in custodia illius²² domini capitalis sub cuius custodia est heres
[032] et warantus suus, cum omnibus terris, tenementis²³ et²⁴ redditibus quæ sunt
[033] f.85b] de feodo illius domini capitalis, sed non ea quæ sunt de feodo
[034] alieno, quia tunc pertinebit maritagium heredis et custodia terræ ad domi-

Notes

7. qualitercumque, OB; tamen cumque, MC; quantumcumque, OA, LA, OC.

8. Om., OA, OB, OC, LA, MA, MB, MC; (fuit, OB, MB).

9. quidem, OB; quid., MA, MB, OC, Y.

10-11. Om., OB, MA, MB.

12-13. Om., OA, OB, MA.

14. dominus rex, OB, MB.

15. quæ, V, OA, OB, OC, CE, MA, MB, MC; quam, MG.

16. eo quod, V, CM.

17. possunt, V, MA, MG; possent, Y.

18. post homagium, V, MB.

19-20. quod relevari ideo non, OB, MA, MB.

21. descensum, OA, LA, V; decensum, OC.

22. ipsius, OB, MA, MB, CE, CM, Y, MG.

23. Om., CE, Y, MG.

23-24. Om., OB, MA, MB.