Bracton: Thorne Edition: Latin. Volume 2, Page 246

Harvard Law School Library

Bracton Online -- Latin

Volume 2, Page 246

Next

Go to Volume: Page:

[001] possessionem. De seriantiis vero nihil certum exprimitur quid vel quantum
[002] dare debeant heredes. Et ideo iuxta voluntatem dominorum dominis satisfaciunt⁴⁶
[003] pro relevio, dum tamen ipsi domini rationem et mensuram non
[004] excedant. Item femina quæ semel in custodia fuerit, vel cum plenæ ætatis
[005] extiterit semel relevium dederit, imperpetuum quieta erit a⁴⁷ relevio, tam
[006] ipsa quam vir suus, si postmodum nupserit post custodiam vel relevii dationem,⁴⁸ nec etiam si plures:⁴⁹ nec si⁵⁰ uxor præmoriatur vir iterum dabit
[007] relevium, quia tenet homagium prius factum ad vitam suam, et tenementum
[008] tenebit semel relevatum quod in persona sua non decidit,⁵¹ nec ipse
[009] succedit ut heres. Sed cum vir moriatur, tunc decidit hereditas et extinguitur
[010] homagium in persona sua: et quia durat obligatio homagii in persona
[011] heredis, heres homagium faciat⁵² et relevet⁵³ tenementum, ad quod prius
[012] non tenebatur in vita viri, quia tenuit homagium tota vita ipsius viri. Nec
[013] debuit capitalis dominus duo homagia capere simul et semel et⁵⁴ a⁵⁵ duobus
[014] ratione unius hereditatis non partitæ. Et sic non tenetur quis de uno tenemento
[015] plura dare relevia non magis quam facere plura homagia. Nec debet
[016] aliquis plura recipere⁵⁶ relevia⁵⁷ ab uno et eodem tenente, sed plura poterit⁵⁸
[017] recipere a pluribus heredibus tenentibus successive. Et de hac materia
[018] habetis de termino Sancti Michælis anno regis⁵⁹ Henrici nono incipiente
[019] f.85] decimo, comitatu Staffordiæ, de Herveo Bagot¹ et Rogero de la
[020] Suche,² et Margeria Bagot quæ feodum suum tenuit de prædicto Rogero,
[021] et unde idem Rogerus fuit medius inter eos, et Margeria districta eo quod
[022] idem Rogerus non dedit relevium ipsi Herveo. Et unde Rogerus respondit
[023] quod nullum debuit relevium,³ et quod⁴ frater suus cuius heres ipse fuit
[024] inde fecit homagium et relevium eidem⁵ patri ipsius Hervei, et ipse Rogerus
[025] post mortem fratris sui fecit homagium et relevium eidem, et postea
[026] fecit homagium matri ipsius Hervei de cuius feodo ipse tenuit id quod
[027] tenuit, et post fecit homagium ipsi Herveo ratione cuius homagii idem
[028] Herveus petiit relevium: et unde Rogerus petiit iudicium, si teneretur ad
[029] plura relevia de uno tenemento quam ad unum, cum semel haberet illud
[030] relevatum. Consideratum fuit quod Margeria et Rogerus quieti et Herveus
[031] in misericordia et quod Margeriæ satisfaceret de damnis suis. Nullus autem
[032] qui adquisiverit aliquo genere adquisitionis vel qui dominum⁶ mutaverit,

Notes

46. satisfaciant, V, CM; satisfacient, MG.

47. de, V, MG.

48. donationem, V, CE, OC.

49. pluries, OA, OC, MB; plures habuerit viros, CE.

50. etiam si, MB, V.

51. decidat, MA, MB, MG, CM, Y.

52. faciet, OB, MA, MG, CM.

53. releviet, OB, MB, MG, CE, CM, MC.

54-55. de, OB, MA, MB; a, OC, Y; et, MG.

56. capere, OB, MA, MB, CE, Y, CM, MG.

57. Om., V, OB.

58. possit, MG, V.

59. regni regis, OC, MB, MG, V.

1. Baggot, Bagoth, Bigot, Bacgot, Balgot, Bagod, MSS. var.

2. Zusche, V; MSS. var.

3-4. relevium quod, MA; rel. quia, V, OA, LA, OC, MC.

5. Om., OA, LA, OC, V.

6. dominium, V, MA.