Bracton: Thorne Edition: Latin. Volume 2, Page 244

Harvard Law School Library

Bracton Online -- Latin

Volume 2, Page 244

Next

Go to Volume: Page:

Si dominus medius cum servitium receperit a tenente suo non adquietaverit eum versus superiorem dominum.

[002] CUM quis autem¹⁰ tenentis sui homagium ceperit vel fidelitatis sacramentum,
[003] et servitium tenentis sui, et cum sit medius, tenentem suum versus
[004] superiorem dominum non adquietaverit, sed propriæ bursæ totum infuderit.¹¹
[005] Hoc probato et¹² testificato coram probis et legalibus hominibus,
[006] poterit absque iuris iniuria se ipsum propria manu adquietare et facere
[007] servitium capitali domino, et ille qui medius est per obligationem homagii
[008] nihilominus tenebitur ad warantiam.

De illis qui tenentur ad sacramentum fidelitatis.

[010] DICTUM est in præcedentibus qualiter faciendum sit¹³ homagium. Sed de
[011] illis qui tenentur ad sacramentum fidelitatis, sicut illi qui tenent in socagio
[012] libero vel ad vitam quocumque modo, qualiter fidelitatem facere debeant
[013] vel¹⁴ quibus, satis perpendi poterit ex præmissis.

De releviis dandis.

[015] CUM homagia capta fuerint et fidelitates ab illis qui plenæ ætatis extiterint,
[016] oportet statim quod tenementum quod fuit in manibus antecessorum, et
[017] hereditas quæ iacens fuerit¹⁵ per eorum decessum relevetur in manus heredum,
[018] et propter talem relevationem facienda erit ad heredibus quædam¹⁶
[019] præstatio quæ dicitur relevium, de feodis¹⁷ militaribus¹⁸ et seriantiis et aliis
[020] de quibus fit homagium et regale servitium, vel de socagiis de quibus de
[021] iure nullum fieri debet homagium. Fit¹⁹ quædam præstatio quæ non dicitur
[022] relevium sed quasi, sicut herietum quasi²⁰ loco²¹ relevii, et quod dari debet
[023] aliquando ante sacramentum fidelitatis, aliquando post. Et unde videndum
[024] imprimis quale sit rationabile relevium, et quis debeat dare relevium, et
[025] quibus sit dandum, et quotiens et quando. Et imprimis de feodo militari.

Quid sit rationabile relevium.

[027] QUALE sit rationabile relevium antiquum de feodo militari distinguitur in
[028] carta libertatum,²² scilicet de²³ baronia comitis integra²⁴ dandæ sunt centum
[029] libræ de herede comitis pro relevio. Et de herede baronis²⁵ pro baronia²⁶
[030] integra centum marcæ. De herede militis de²⁷ feodo militis²⁸ integro centum
[031] solidi ad plus, et qui minus debuerit minus det, secundum quod tenuerit

Notes

10. Om., OA, LA, MC, OC, V.

11. infunderit, OB, OC; infundit, MA.

12. vel, OA, LA, MC, OC, V.

13. est, V, MG, CM, Y.

14. et, OA, LA, MC; (in quibus verbis, OC).

15. fuit, V, CE, OA, MC.

16. quidem præstatio, MG, CM.

17-18. feodo militari, OB, MA, MB, CM.

19. fit tamen, OB, CM.

20. herietum loco, OA, OC.

21. a loco, MG; quod loco, MC; quod loco relevii datur, LA.

22. libertatis, MG, CM.

23-24. de comitatu integro, V, CM.

25-26. baronis de baronia baronis, OA, OC; baronis de baronia, LA, MC.

27. pro, MB, MA.

28. militari, CE, OB, MB; militum, MG.