Bracton: Thorne Edition: Latin. Volume 2, Page 242

Harvard Law School Library

Bracton Online -- Latin

Volume 2, Page 242

Next

Go to Volume: Page:

[001] petat quod tenens faciat vel tenens petat quod dominus capiat²⁵ per breve
[002] de homagio capiendo, in utroque casu per interrogationes et responsiones
[003] f.83b] perveniri poterit ad duellum vel magnam²⁶ assisam, nisi ita sit
[004] quod propter deadvocationem velit dominus terram petere in dominico per
[005] breve de recto ut supra dictum est. Cum igitur summonitus sit quis per
[006] breve quare non capit²⁷ homagium alicuius, et prætendat querens rationem
[007] quare ille qui summonitus est debeat homagium suum capere, et dicat quod
[008] pater suus tenuit de tali et homagium ei fecit, vel de tali alio antecessore
[009] et per tale servitium, et ita quod ille tali ratione tenere debeat de eo, et
[010] ipse homagium suum capere per servitium tale, poterit ipse de quo queritur
[011] defendere servitium et homagium factum, et præcise, quod ille querens
[012] nullam terram de eo tenet nec tenere debet, per campionem, vel ponere se
[013] in magnam assisam per hæc verba, scilicet utrum ipse de quo queritur maius
[014] ius habeat tenendi terram illam in dominico, an idem qui queritur tenendi²⁸
[015] de eo. Poterit enim bene²⁹ esse quod talis querens vel antecessor suus homagium
[016] fecerint³⁰ antecessori eius de quo queritur, sed numquam seisinam
[017] habuit in vita antecessoris, vel quod ipse homagium tale³¹ ceperit, et quod
[018] talis propria auctoritate et sine waranto et contra voluntatem donatoris se
[019] posuerit in seisinam: et unde petere poterit ut prædictum est terram in
[020] dominico. Et de hac materia habetis in itinere abbatis de Radinge et Martini
[021] de Pateshilla³² in comitatu Warrewickiæ anno regis³³ Henrici quinto,
[022] de Roberto de Halgeforde,³⁴ qui petiit³⁵ coram eis quod quidam³⁶ caperet
[023] homagium et rationabile relevium suum de libero tenemento quod de eo
[024] tenuit, et de eo tenere clamavit in tali villa, et unde dixit quod pater suus
[025] tenuit de eo tantam terram per tale servitium, et ipse ita illam³⁷ tenere
[026] debuit de eo: et hoc obtulit³⁸ et petiit quod caperet homagium suum. Et
[027] talis venit et defendit quod non debuit inde homagium suum capere, quia
[028] terra illam tenere debuit in dominico, et sic posuit se in magnam assisam
[029] per verba supra dicta.

Si tenens propria auctoritate divertat se ad alium relicto domino suo et faciat ei homagium.

[031] CUM autem quis a domino suo vel³⁹ non domino cui homagium fecerit et
[032] servitium, propria auctoritate divertit⁴⁰ ad alium et sine iudicio, nihilominus
[033] tamen tenebit homagium. Sed si cum servitium petat vel pro servitio

Notes

25. recipiat, OB, MA, MB.

26. ad magnam, MG, CM, Y.

27. non capiat, V, MB.

28. tenendi eam, MG, V.

29. Om., OB, MA, MB.

30. fecerit, OC, V.

31. talis, LA, OB, MA, MB; tal., MSS. gen.

32. Pateshulla, OC.

33. regni regis, OC, MG.

34. Halgesford., LA; Algesford., OC, MC; Halgford., CM, MG; Balgeforde, OB; Halghestoke, MB.

35. petit, OA, OB, MB, MG.

36. quidem, OB, MC; quid., MA, MB, OC, CM, MG.

37. eam, MG, V.

38. oportuit, MG; oportet, LA, MC; opt., OA; o., CE, Y, CM.

39. vel a, OB, MA, MB, CM, MG.

40. diverterit, OA, V.