Bracton: Thorne Edition: Latin. Volume 2, Page 222

Harvard Law School Library

Bracton Online -- Latin

Volume 2, Page 222

Next

Go to Volume: Page:

[001] quod includitur cum gardinis et vivariis: ita tamen quod facta partitione¹⁴
[002] primogenitus vel primogenita habeat electionem propter æsnesciam. Dividitur
[003] enim¹⁵ quandoque aula in duas partes vel plures, quandoque camera
[004] dividitur ab aula, et sic fiat¹⁶ de pluribus domibus in curia existentibus.
[005] Uxor autem post mortem viri sui in assignatione dotis nihil capiet de capitali
[006] mesuagio cum heredibus pluribus vel uno, ubi non fuerit nisi unicum
[007] capitale mesuagium, sed habebit electionem de uno mesuagio quod tenetur
[008] in villenagio. Si autem nullum tale fuerit, tunc assignetur ei loco curiæ
[009] ad valentiam tertiæ partis capitalis mesuagii, in latum et in¹⁷ longum, et
[010] ædificabitur de communi: et hoc erit nisi ubique¹⁸ dotata fuerit de tertia
[011] parte, et si aliter fiat¹⁹ quandoque, hoc non erit de iure sed de gratia vel per
[012] ignorantiam. Nec etiam aliquid capiat de advocatione ecclesiarum ratione
[013] tertiæ partis suæ non magis quam de mesuagio, nisi forte dotata fuerit de
[014] aliquo manerio integre²⁰ cum pertinentiis, nulla facta exceptione, vel nisi
[015] in constitutione dotis adiuncta fuerit specialiter advocatio sua tertiæ parti.
[016] De hoc autem quod dicitur quod de feodo militari veniunt in divisionem
[017] f.76b] capitalia mesuagia, et inter coheredes dividuntur, hoc verum est
[018] nisi capitale mesuagium illud sit caput comitatus propter ius gladii, quod
[019] dividi non debet, vel caput baroniæ, castrum, vel aliud ædificium. Et²¹ hoc
[020] ideo ne si caput per²² plures particulas dividatur, et pluries²³ iura comitatuum
[021] et baroniarum deveniant ad nihilum, per quod deficiat regnum quod
[022] ex comitatibus et baroniis dicitur esse constitutum. Si autem plura sint ibi
[023] ædificia quæ sunt capita baroniæ, dividi possunt inter coheredes facta electione
[024] salvo iure æsnesciæ, quia²⁴ cum plura sint ibi iura, quodlibet per se
[025] integre poterit observari, quod quidem non est in uno ut prædictum est,
[026] licet a quibusdam dicatur quod in aliis regionibus aliquando de consuetudine
[027] dividatur. Sed quod dividi non debeat, numquam in Anglia visum
[028] fuit²⁵ contrarium. Et erit consuetudo regionis observanda, ubi hereditas
[029] est²⁶ quæ petitur et personæ nascuntur quæ petunt: et unde si dicatur quod
[030] in regno²⁷ Angliæ aliquando²⁸ facta fuit²⁹ partitio, hoc fuit iniustum. Item
[031] veniunt iura in divisionem, unum vel plura, sed tamen non dividuntur quia
[032] divisionem non recipiunt, sicut sunt advocationes ecclesiarum et servitutes
[033] prædiorum. Plures enim advocationes dividi possunt inter plures cohere-

Notes

14. participatione, MSS. var.

15. autem, MG, Y, CM.

16. fiet, MG, Y, CM, V.

17. Om., OB, OC, Y, MG, CM; (in latitudine et longitudine, OC).

18. ubique, OC, MA, MB, MC, CE, Y, CM; ubicumque, OB; ubi, MG; ubi ubique, OA, LA; ubique ubi, V.

19. fiet, OB, MA, MB.

20. integro, MA, MG, V; om., MB.

21-22. et ideo hoc cavendum ne sit per, MA; et hoc ideo ne sit cavendum per, MB; ne castrum sit per tales, OB.

23. plura, OC, MG, V.

24. quæ, OB, MA, MB; qui, V.

25. est, Y, CM; non est, MG; visum est fuit, MB.

26. Om., OB, MA, MB, Y, CE, MG, MC.

27. regione, OB, MA, MB.

28-29. aliquando fuerit, MA, MB, OB.