Bracton: Thorne Edition: Latin. Volume 2, Page 205

Harvard Law School Library

Bracton Online -- Latin

Volume 2, Page 205

Next

Go to Volume: Page:

De eo qui nutriverit aliquem in domo sua ut filium et heredem qui nec est filius nec heres.

[002] DICTUM est supra de uxore quæ falso se facit³¹ prægnantem in vita viri³²
[003] vel post mortem, cum non esset. Nunc autem dicendum est³³ si vir et³⁴ uxor
[004] nutriverint³⁵ aliquem ut filium et heredem qui nec est filius nec heres, ad
[005] exheredationem veri heredis, sive partus sit suppositus sive ab alio conceptus:
[006] et ad querelam veri heredis summoneantur quod sint coram iustitiariis³⁶
[007] per tale breve.

Breve de habendo corpus talis et uxoris suæ coram iustitiariis.

[009] REX vicecomiti salutem. Præcipimus tibi quod habeas coram iustitiariis
[010] nostris etcetera, corpus A. et B. uxoris suæ, vel corpus alterius ipsorum,
[011] ad respondendum C. filio vel nepoti vel alteri heredi ipsius A., qui³⁷ se gerit
[012] pro herede ipsius A.,³⁹ quare nutriri faciunt D. sicut filium et heredem
[013] ipsius A., ad exheredationem ipsius C., qui nec est filius nec heres ipsius B.,
[014] nec esse potest, ut idem C.⁴⁰ dicit. Et habeas ibi hoc breve. Teste etcetera.
[015] Et quo casu⁴¹ comparuerit⁴² pater vel mater, vel eorum alter, et talem nutritum
[016] produxerint, tunc si talem in iudicio ad filium et heredem recognoverint,
[017] et præsumptio sit pro eis quæ non admittit probationem in contrarium,
[018] ut si nascatur de uxore quæ concipere potest, licet ab alio quam a⁴³
[019] viro⁴⁴ concipiatur, vel si forte supponatur cum simul cohabitaverint, nec sit
[020] impedimentum ex parte viri quin⁴⁵ generare possit, nec impedimentum ex
[021] parte mulieris quin concipere possit propter sterilitatem vel senectutem,⁴⁶
[022] talis partus⁴⁷ erit legitimus. Si autem verus heres docere⁴⁸ possit contrarium
[023] aliud erit, licet parentes aliud in iure confessi sint,⁴⁹ dum tamen hoc probetur.
[024] Debet enim confessio facta in iure naturæ et veritati convenire. Pendente
[025] tali placito antequam de⁵⁰ partu constiterit, moritur partus et substituitur
[026] ei⁵¹ alius et nutritur ut heres: ad querelam igitur veri heredis fiat
[027] tale breve.

Item si cum verus heres infra ætatem moriatur, supponat custos alium extraneum vel habeatur suspicio quod mortuus sit, breve quod producatur et videatur.

[029] REX vicecomiti salutem. Ostendit⁵² nobis et consilio nostro A. frater⁵³ B.,
[030] qui se facit heredem ipsius B. si C. uxor D. et filia ipsius B. sine herede de

Notes

31. fecit, OA, LA, OC.

32. viri sui, OB, MA, MB.

33. Om., OA, LA, OC.

34. vel, OB, MA, MB, CE, Y, MG, V.

35. nutriverit, MA, MB, OB.

36. iustitiariis nostris ad respondendum, OA, LA, MC.

37-39. Om., MG.

40. se, OA, CE.

41. casu si, OB, CE; casu cum, OC, V, MC.

42. comparuerint, OA, LA, OC, MC; computaverit, MA, MB, (-- OB).

43-44. viro suo, OB, MB; a viro suo, MA.

45-46. Om., OB, MA, MB, MG, Y, CE.

47. filius et partus, V, MG, Y, CM; partus semper, OA, LA, OC, MC.

48. dicere, OB, MA, MB, Y, MG.

49. sunt, V, Y, OC; fuerint, MC, LA, CM.

50. de tali, V, OB.

51. Om., OB, MA, MB.

52-53. ostensum est . . . ex parte A. fratris, MG, Y, CM.