Bracton: Thorne Edition: Latin. Volume 2, Page 190

Harvard Law School Library

Bracton Online -- Latin

Volume 2, Page 190

Next

Go to Volume: Page:

[001] dicitur de fratre postnato, quod procedat inter eos breve de consanguinitate,
[002] vel de recto, secundum quod avunculus vel amita seisinam habuerit¹
[003] longam vel brevem. Et quod dicitur de fratre postnato et avunculo vel
[004] amita heredibus propinquis, observetur de omnibus aliis heredibus propinquis
[005] in casu consimili.

Quid faciat heredem propinquiorem.

[007] ITEM sexus facit heredem propinquiorem. Ut si quis hereditatem habens
[008] genuerit² ex se filium et³ filiam, unam⁴ vel plures, si omnes fuerint heredes
[009] antecessoris, masculus⁵ sexus in successione semper præferri debet sexui⁶
[010] feminino. Numquam enim ad successionem vocatur femina quamdiu aliquis
[011] heres superfuerit ex masculo,⁷ nisi contrarium faciat modus donationis. Ut
[012] ecce: aliquis dat alicui terram in maritagium cum filia sua et heredibus de
[013] corpore eorum⁸ procreatis: procreatur filia, moritur maritus, alius ducit
[014] matrem in uxorem, generat ex ea filium, moritur mater, filia propinquior
[015] erit heres et excludit masculum a successione: et sic facit modus donationis
[016] filiam heredem propinquiorem, et excludit a successione sexum masculinum.
[017] Item eodem modo facit linea feminam heredem propinquiorem in
[018] linea recta descendentem, et excludit masculum in linea transversali. Ut
[019] si quis filiam habuerit vel filium, et ex eo neptem⁹ et¹⁰ fratrem, filia vel
[020] neptis fratri præfertur in successione propter lineam rectam quæ præfertur
[021] transversali. Item sanguis facit heredem propinquiorem, et ius sanguinis
[022] excludit masculum et præfert feminam. Ut ecce: aliquis ducit uxorem
[023] et ex ea generat filium et filiam, et mortua¹¹ ea postea ducit aliam de qua
[024] generat filium: mortuo partre descendit hereditas filio antenato de prima
[025] uxore, moritur seisitus sine herede de se, dominus capitalis se ponit in
[026] seisinam, soror de eodem patre et eadem matre petit per assisam seisinam
[027] fratris sui, et frater de alia uxore eodem modo: soror de eodem patre et¹²
[028] eadem¹³ matre obtinebit, et ius sanguinis masculum excludit. Item ius
[029] sanguinis eodem modo facit heredem propinquiorem, et excludit tam
[030] sexum masculinum¹⁴ a successione quam ætatem.¹⁵ Verbi gratia: quidam
[031] duxit¹⁶ in uxorem quandam et ex ea generat filium vel¹⁷ filiam, postea
[032] mortua prima uxore ducit aliam de qua generat filium et filiam: filius de
[033] secunda uxore facit perquisitum,¹⁸ moritur sine herede de se, soror de¹⁹

Notes

1. habuerint, OA, OB, OC, MC, MA, Y, CE, CM; habeat, MG.

2. et uxorem genuerit, V; et genuerit, LA, MC (habuit); et liberos genuerit scilicet filium, OC.

3. vel, V, OB, MG, CM.

4. unum, OA, LA, MC, OC (unus v. p.).

5. masculinus, MSS. var.; masculini, MC; masculinum, OA.

6. sexu, OC, MG.

7. masculino, MB, CE, LA, MC.

8. Om., OB, MA, MB, MG; suorum, CM; suo, V, Y.

9. nepotem, V, MA, Y, MB, CE.

10. vel, MA, MB, OC, MG, Y, CM.

11. filiam mortua, LA, MC, OB.

12-13. eademque, OA, OC, CE, MC.

14. masculum, MSS. var.

15. femininum, V; sic, MSS.

16. ducit, OA, LA, MC, OC, MB; duxit, OB, MA, CE, Y, MG, CM.

17. et, OC, MG.

18. adquisitum, V, OB, MB.

19. ex, OA, LA, OC, MC.