Bracton: Thorne Edition: Latin. Volume 2, Page 184

Harvard Law School Library

Bracton Online -- Latin

Volume 2, Page 184

Next

Go to Volume: Page:

[001] tenens fuerit, et redditum suum forte domino suo non solverit cum ad
[002] vitam suam tenuerit vel in feodo, ad districtionem faciendam aliter erit
[003] procedendum. Mortuo vero conductore intra¹⁸ tempora conductionis, heres
[004] eius eodem iure in conductionem succedit, nisi ille conductor in vita vel in
[005] morte aliter duxerit ordinandum. Item elapso termino conductionis in vita
[006] conductoris, bene poterit locator se ponere in rem locatam auctoritate
[007] propria si eam vacuam invenerit et non obligatam.

De usu vestimentorum.

[009] QUI pro usu vestimentorum, auri vel argenti vel alterius ornamenti vel
[010] iumenti, mercedem dederit vel promiserit, talis ab eo desideratur custodia
[011] qualem diligentissimus pater familias suis rebus adhibet, quam si præstiterit
[012] et rem aliquo casu amiserit, de ea restituenda non tenebitur. Nec sufficit
[013] aliquem talem diligentiam adhibere qualem suis rebus propriis adhiberet,
[014] nisi talem adhibuerit de qua superius dictum est.

De adquirendo rerum dominio ex causa successionis et qualiter heredes succedunt parentibus.

[016] EST etiam alia causa adquirendi rerum dominia quæ dicitur causa successionis,
[017] et quæ competit singulis heredibus de omnibus de quibus antecessores
[018] eorum obierint¹⁹ seisiti ut de feodo, vel etiam seisiti aliquo tempore
[019] ut de feodo et iure hereditario, quod quidem descendere debet heredibus
[020] propinquioribus, masculis et²⁰ feminis, recta linea vel transversali venientibus.
[021] Descendit itaque ius quasi ponderosum quid cadens deorsum recta linea
[022] vel transversali, et numquam reascendit eadem²¹ via qua descendit propter²²
[023] mortem antecessorum. A latere tamen²³ ascendit²⁴ aliquando²⁵ propter defectum
[024] heredum inferius provenientium. Et si seisina sive possessio aliquando
[025] exorbitet ita quod ius merum non sequatur, in fine tamen ad proprietatem
[026] revertetur si sit heres qui petat. Item descendit ius vero heredi
[027] ubicumque fuerit natus, vel in utero matris, citra mare vel ultra. Nec
[028] potest aliquis sibi facere heredem, quia solus deus heredem facit. Et quia
[029] heres dicitur ab hereditate, et non hereditas ab herede, ideo primo videndum
[030] est quid sit hereditas, postea quis sit heres legitimus, et quis ex pluribus
[031] præferatur. Et sciendum²⁶ quod hereditas est successio in universum
[032] ius quod defunctus habuit²⁷ ex quacumque causa adquisitionis vel successionis,
[033] cum seisina vel²⁸ sine, ut si cum seisina²⁹ quocumque tempore seisitus
[034] fuerit in vita³⁰ vel in morte, scilicet die quo obiit. Et si ius ad plures
[035] heredes descendat successive sine seisina, tamen eadem seisina competit

Notes

18. infra, V, OC, MB (infra conductionem succedit).

19. obierunt, V, OB, MA, MG, CE, CM.

20. sive, MG, Y.

21. ea, MA, MB.

22. post, V, OC, CM.

25. alicui, V, OB, MA, MB.

23-24. cum descendit, OC, MG, Y (tamen).

26. sciendum est, LA, MC.

27. habuerit, OA, MB.

28. sive, V, OB, MA.

28-29. Om., MB, MG, CM, (+ Y).

30. vita sua, V, MG.