Bracton: Thorne Edition: Latin. Volume 2, Page 183

Harvard Law School Library

Bracton Online -- Latin

Volume 2, Page 183

Next

Go to Volume: Page:

[001] contractus, sed agere poterit emptor contra venditorem ad hoc quod ei
[002] teneat quod promisit. Cum emptio et venditio contracta fuerit ut prædictum
[003] est ante traditionem et post, periculum rei emptæ et venditæ illum
[004] generaliter respicit qui eam tenet, nisi aliter ab initio convenerit, quia re
[005] vera qui rem emptori nondum tradidit⁹ adhuc ipse dominus erit, quia traditionibus
[006] et usucapionibus etcetera, ut supra de donationibus secundum
[007] quod videri poterit. Ut si homo¹⁰ venditus mortuus fuerit ante traditionem,
[008] vel ædes incendio consumptæ, vel fundus vi fluminis in toto vel in parte
[009] consumptus vel ablatus, et huiusmodi, quibus rationibus videtur quod
[010] totum periculum pertineat ad venditorem. A contrario vero videtur quod
[011] si post emptionem ante traditionem fundo vendito aliquid per alluvionem
[012] vel alio modo accreverit, quod commodum ad venditorem pertinebit. Ipsum
[013] enim sequi debent commoda quem¹¹ sequuntur incommoda, et commodum
[014] eius esse debebit¹² cuius est periculum. Item poterit emptio et venditio contrahi
[015] inter aliquos tam sub condicione quam pure. Sub condicione ita ut si
[016] talis res empta intra¹³ certum diem emptori placuerit, sit ei empta aureis
[017] tot, et si displicuerit emptori restituatur. Si quis autem rem sacram quæ
[018] vendi non potest a venditore emerit, cum contractus stare non possit,¹⁴
[019] emptor a venditore consequetur quatenus sua interfuit non fuisse deceptum,
[020] quamyis emptor scire teneatur quæ et qualis sit ea¹⁵ res quam emerit,
[021] sacra vel non sacra, obligata vel non obligata. Emptori vero et heredibus
[022] suis tenetur venditor et heredes sui rem emptam warantizare, sive mobilis
[023] sit sive immobilis, dum tamen si immobilis fiat ut infra dicetur de warantis.
[024] Si autem mobilis, fiat ut infra dicetur de furtis.

De locato et conducto.

[026] CUM autem locatio et conductio proxima sit emptioni et venditioni, quia
[027] sicut emptio et venditio contrahitur postquam de pretio convenerit, ita
[028] locatio et conductio. Ex locato enim et conducto solet res deberi vel ad
[029] usum vel ad habitationem.¹⁶ Ut si quis rem suam mobilem vel immobilem
[030] alicui locaverit usque ad certum tempus pro certa mercede constituta, tenetur
[031] locator obligatus rem locatam ad usum dare, et conductor tenetur
[032] mercedem solvere. Et si res immobilis locata fuerit et conducta sicut domus
[033] vel huiusmodi, omnia invecta et illata tam pro mercede quam pro¹⁷ aliis
[034] f.62b] pignori sunt annexa. Et quid si nihil in domibus locatis et conductis
[035] inveniatur? Recurrendum erit ad corpora conductorum si inveniantur,
[036] quod locatori prospiciatur de securitate si ab initio non sit prospectum.
[037] Si autem corpora non inveniantur hoc poterit locator suæ imputare negligentiæ
[038] vel imperitiæ quod sibi cautius non prospexit. Si autem aliquis

Notes

9. tradiderit, LA, MB.

10. bos, V.

11. quæ, LA, MC.

12. debet, OB, MA, MB, CE, CM.

13. infra, V, MB, MG; inter, CM.

14. poterit, V, OC, MG; posset, CM.

15. Om., OA, LA, MG, OC.

16. hereditatem, MG, OC.

17. Om., V, OA, LA, OC, MG.