Bracton: Thorne Edition: Latin. Volume 2, Page 177

Harvard Law School Library

Bracton Online -- Latin

Volume 2, Page 177

Next

Go to Volume: Page:

[001] iuris de quibus fieri debeat confirmatio vel recognitio, et eodem modo ille
[002] cui fit, quia si nullus non valebit quod actum erit.¹⁹ Item fieri poterit confirmatio
[003] sic quod confirmatio dependeat ex prima donatione, ut si quis
[004] dicat, confirmo tali talem rem, vel talem donationem, sicut rationabiliter
[005] facta est: ex tali confirmatione non valebit prima donatio nisi in se valida
[006] fuerit et perfecta, per huiusmodi enim verba coartatur et restringitur,²⁰ ita
[007] quod nullum supplere poterit defectum, quod non est in simplici donatione,
[008] ubi non requiritur utrum donum sit rationabile vel non, perfectum vel
[009] imperfectum, vel omnino nullum. Item sciendum quod confirmatio specialis
[010] debet referri ad tempus illud quo donatio conscripta sit, sicut ad alias
[011] ratihabitiones negotiorum. Est autem confirmatio quasi quædam ratihabitio,
[012] sufficit tamen quandoque per se si in se contineat donationem, ut si
[013] dicat quis, dedi et confirmavi, licet iuvari possit²¹ ex aliqua donatione præcedente.
[014] Effectus autem confirmationis est quod ille qui alicuius donum
[015] confirmat, sive proprium sive alienum, antecessoris vel extraneæ personæ,
[016] proprium, ut si quis infra ætatem, vel dum non fuerit sanæ mentis, vel non
[017] sui iuris, vel per vim donationem fecerit, cum plenæ ætatis extiterit vel
[018] sanæ mentis, vel sui iuris, vel extra violentiam constitutus, confirmaverit,
[019] illam numquam infirmare poterit. Item si donum antecessoris vel alterius
[020] confirmaverit heres, sive donum perfectum fuerit sive non, validum vel²²
[021] invalidum, illud infirmare non poterit. Quod autem dictum est de advocationibus
[022] quæ sunt de pertinentiis in re propria, observandum erit in servitutibus
[023] quæ pertinent ad liberum tenementum alicuius in re aliena, ut si cui
[024] concedatur et heredibus suis ius pascendi et eundi in fundo alieno et huiusmodi,
[025] quamvis ipse non utatur in vita sua, heredes tamen in donatione
[026] comprehensi uti poterunt. Et eodem modo assignati et donatarii si de illis
[027] in donatione mentio habeatur propter modum donationis. Si autem nulla,
[028] donator usum transferre non potuit quem non habuit. Sed si per negligentiam
[029] et patientiam primi donatoris tales diu usi fuerint, vel si confirmatio
[030] ipsius vel heredum suorum intervenerit, usus convalescit per virtutem
[031] confirmationis.

De donationibus inter mortuos et mortis causa.

[033] f.60] EST¹ inter alias donationes donatio mortis causa quæ morte confirmatur,
[034] cuius tres sunt species. Una, cum quis nullo præsentis periculi
[035] metu conteritur, sed sola cogitatione mortalitatis donat. Alia, cum quis
[036] imminente periculo mortis commotus ita donat ut statim fiat accipientis.
[037] Tertia, si quis commotus periculo non dat sic ut statim fiat accipientis, sed

Notes

19. est, OB, MA, MB, CE, CM, Y.

20. restringatur, OC, CM; distringitur, V.

21. non possit, Y, CM.

22. et, OB, MA, MB, CM.

1. est autem, V, MG; est etiam, OC.