Bracton: Thorne Edition: Latin. Volume 2, Page 165

Harvard Law School Library

Bracton Online -- Latin

Volume 2, Page 165

Next

Go to Volume: Page:

[001] nam remanet vera seisina in suspenso usque ad¹ vacationem:² ut³ tunc præsentet
[002] donatarius si advocationem ad alium non transtulerit,⁴ vel donator
[003] si hoc fecerit,⁵ et sic erit observandum ubi advocatio separata est a fundo
[004] et non est de fundi pertinentiis. Item esto quod de fundo fiat donatio cum
[005] advocatione, et antequam ecclesia vacaverit vel post, fuerit donatarius per
[006] donatorem vel alium disseisitus, et tunc incipiat vacare ecclesia, non præsentabit
[007] donatarius ad ecclesiam cuius advocatio est de pertinentiis antequam
[008] fundum recuperet, quod est principale: et sic agi oportet in pluribus
[009] casibus, quod seisinam habere non poterit quis de pertinentiis vel accessorio
[010] antequam adquisierit principale. Item quandoque transit ius advocationis
[011] cum corpore, id est cum ipso fundo vel tenemento, ad quod advocatio pertinuerit,
[012] quandoque cum expressione et quandoque sine. Cum expressione,
[013] ut si dicatur,⁶ Do tibi fundum istum cum omnibus pertinentiis suis et cum
[014] advocatione ecclesiæ. Vel sine expressione, ut si dicatur, Do tibi fundum
[015] istum cum omnibus pertinentiis suis sine aliquo retenemento,⁷ sive hoc sit
[016] in feodo sive⁸ ad firmam. In quo casu transit advocatio cum ipso fundo ad
[017] donatarium, et si partem fundi dederit, quamvis cum omnibus pertinentiis,⁹
[018] et partem retinuerit, non propter hoc transfertur advocatio, sed cum donatore
[019] remanebit, licet minimam partem fundi retinuerit: non enim transfertur
[020] advocatio cum aliqua parte fundi nisi specialiter transferatur. Item si
[021] pluribus fiat donatio de fundo aliquo per particulas cum omnibus pertinentiis
[022] simul vel successive, sine aliqua expressione advocationis, ultimo feoffatus
[023] quantum ad ius advocationis erit omnibus aliis præferendus: habita
[024] tamen distinctione secundum quosdam si advocatio specialiter excipiatur,
[025] utrum donator sic dicat, Do tibi¹⁰ tantam terram cum omnibus pertinentiis
[026] suis, excepto tanto terræ de prædicta terra cum pertinentiis, vel retento
[027] mihi tanto terræ¹¹ de eadem terra, quia in primo casu videtur quod donator
[028] totum transferat ad donatarium, scilicet advocationem cum aliis pertinentiis.
[029] Et unde cum postea ab illo toto excipiat partem, videtur quod advocatio¹²
[030] remanere debeat donatario¹³ ex quo specialiter cum parte excepta non
[031] transfertur. Si autem sic dicat, Do tibi tantam terram cum omnibus pertinentiis
[032] suis, salva mihi vel retenta tali parte, videtur¹⁴ quod advocatio remanere
[033] debeat cum parte retenta¹⁵ vel salvata. Item esto quod alicui fiat
[034] donatio de tenemento cum advocatione, donec ei provideatur, si ante pro-

Notes

3. et, OC, MG, CM, MC; ubi tunc, CE; et alias ut, Y.

1-2. ad vocationem, MB, CE; usque advocationem, MA, MG, CM; usque advacationem, MC, Y.

4. sustulerit, OB, MA, MB.

5. non fecerit, V, CE, Y, OB, MA, MB, MC; tunc præsentet donatario si ita est a fundo, CM.

6. dicat, OB, MA, MB, CE, CM.

7. retento, V; tenemento, OA.

8. vel, V, OA, CE, Y.

9. pertinentiis suis, OB, MA, MB, CM.

10. Om., OB, MA, MB, CM.

11. terræ cum pertinentiis suis, LA, Y, MC.

12. Om., OB, MA, MB.

13. donatori, V, OB, MG.

14. Om., OA, LA, MG, CE, MC (+).

14-15. Om., OC.