Bracton: Thorne Edition: Latin. Volume 2, Page 163

Harvard Law School Library

Bracton Online -- Latin

Volume 2, Page 163

Next

Go to Volume: Page:

[001] quo concurrunt ius et seisina, iuste vel iniuste. Sed quid si uterque præsentaverit,
[002] primus donator videlicet, et secundus donatarius? Primus donator
[003] præferri debet propter seisinam a qua non recessit, nec secundus
[004] donator potuit ad alium plus conferre quam ipse habuit, scilicet non nisi
[005] ius sine seisina: et licet assignatus ipsum vocare vellet ad warantum, non
[006] posset ei¹² warantizare plusquam ei dedit vel dare potuit, nec etiam posset
[007] eum defendere in seisina præsentationis quam suus assignatus non habuit.
[008] Item esto quod ante seisinam præsentationis facta fuerit donatio vel assignatio,
[009] et casu aliquo revertatur tenementum cum advocatione ad eum qui
[010] dedit, sicut eschæta, vel alio modo, et inceperit ecclesia vacare tunc primo,
[011] et uterque præsentaverit, scilicet primus donator et primus donatarius,
[012] adhuc erit præferendus in¹³ donatione primus¹⁴ donator propter seisinam
[013] præsentandi a qua non recessit. Et si donatarius instrumenta donationis
[014] protulerit, vacua erunt quantum ad ius præsentandi, quia quidquid habuit
[015] suo feoffato contulit, et iam ex alia causa et ab alio possidere incepit de
[016] f.54b] novo, quam ex prima causa donationis et a feoffatore suo. Et
[017] quod donatio facta de advocatione valere non debeat antequam donator
[018] fuerit in possessione præsentandi, probatur in rotulo de termino Sancti
[019] Michælis, anno regis Henrici octavo incipiente nono, comitatu Bedefordiæ,
[020] de Iohanne de Trailly et priore de Newenham, assisa ultimæ præsentationis,
[021] de tertia parte ecclesiæ de Sudmeles,¹⁵ ubi prior respondit ad assisam
[022] quod Walterus de Trailly, antecessor prædicti Iohannis, dedit advocationem
[023] illius tertiæ partis Falkesio¹⁶ de Breaute,¹⁷ et ille Falkesius illam
[024] dedit domui suæ per cartam suam: sed quia prior recognovit¹⁸ quod idem
[025] Walterus fecit ultimam præsentationem et quod Falkesius numquam
[026] præsentavit, consideratum fuit quod Iohannes recuperaret seisinam suam
[027] de seisina Walteri antecessoris sui. Item ad hoc facit quod habetis de
[028] itinere Martini de Pateshilla in comitatu Wygorniæ, anno regis Henrici
[029] quinto, ubi dicitur quod si cui data fuerit advocatio, et donatarius antequam
[030] præsentaverit illam ulterius dederit, non valebit donatio quia ultimus
[031] donatarius warantum non habuit.¹⁹ Item non valet donatio advocationis
[032] si ille qui dedit numquam seisinam præsentandi habuit, nec aliquid de
[033] manerio vel tenemento ad quod advocatio pertinuit: ut inter placita quæ
[034] sequuntur regem,²⁰ anno regis Henrici vicesimo secundo, comitatu Salopiæ,
[035] de Godefrido²¹ de Gamages, ubi²² idem Godefridus dixit coram rege quod
[036] quidam antecessor suus dedit patri suo quandam terram cum advoca-

Notes

12. Om., OB, MA, MB, CE, CM.

13-14. Om., OB, MA, MB, CE, CM.

15. Submeles, Mudmeles, Suthmeles, Sutmellis, MSS. var.

16. Falcans, Falconi, Falkas, Falkasio, MSS. var.

17. Breute, Breante, Briante, Breuse, Bruance, MSS. var.

18. cognovit, MG, OC.

19. habet, OA, LA, OC, MC, MG; habuerit, MA.

20. Om., OB, CM.

21. Galfrido, OB, MA, MB, CM.

22. ut, OB, MB, CM; et, MA.