Bracton: Thorne Edition: Latin. Volume 2, Page 157

Harvard Law School Library

Bracton Online -- Latin

Volume 2, Page 157

Next

Go to Volume: Page:

[001] bus quæstionem moveat vel contentionem.⁷ Et unde si quis per intrusionem
[002] post mortem alicuius, ante aditam⁸ hereditatem ab herede, propria auctoritate
[003] se posuerit in seisinam vacuam, vel cum auctoritate eius qui ius non
[004] habet donandi cum non sit verus dominus. Item si disseisitor cum disseisinam
[005] fecerit. Item si⁹ firmarius per longum tempus post terminum præteritum.
[006] Item si quis contra conventionem, quamvis inter alios factam, vel
[007] contra modum donationis ne quid omnino dare possit vel alienare, vel non
[008] certis personis. Item si quis se posuerit in seisinam ex causa donationis
[009] eius qui ius non habet, vel non nisi ad vitam, quacumque ratione ad exheredationem
[010] veri domini. Item si frater postnatus propria auctoritate se intruserit
[011] in seisinam, vel forte¹⁰ cum auctoritatem habuerit a capitali domino
[012] vel ab aliquo ad quem non pertinet: et quorum casus sunt infiniti. Tales,
[013] sive titulum habuerint sive non, quantum ad verum dominum qui ius habet
[014] et proprietatem, numquam liberum tenementum habebunt nisi per longam,
[015] continuam, et pacificam possessionem, ut prædictum est: quantum vero ad
[016] non dominos qui dederunt, vel quantum ad alios qui ius non habent, statim
[017] et incontinenti incipiunt habere liberum tenementum et ius, et incipiunt
[018] possidere. Et¹¹ cum longa et continua et pacifica possessio intervenerit,
[019] incipiunt possidere quoad omnes, et habere liberum tenementum, ita quod
[020] sine brevi et¹² iudicio eici non possint: quia sicut tempus¹³ est modus inducendæ
[021] et tollendæ obligationis, ita erit modus adquirendæ possessionis.
[022] Longa enim possessio sicut mater ius parit possidendi,¹⁴ et tollit actionem
[023] vero domino petenti, quandoque unam, quandoque aliam, quandoque
[024] omnem, quia omnes actiones in mundo infra certa tempora habent limitationem.
[025] Sic enim ut prædictum est, adquiritur possessio et liberum tenementum
[026] ex tempore sine titulo et traditione, per patientiam et negligentiam
[027] veri domini. <Et sciendum quod non valet violenta¹⁵ si incontinenti
[028] resistatur. Et hoc verum est nisi fuerit precaria quæ omni tempore revocari
[029] poterit, et idem si de gratia. Gratia enim voluntaria est, et de voluntate
[030] contraria revocatur. Item ubi fuerit clandestina, sicut nocturna, vel
[031] concessa a ballivis in absentia dominorum. Item si ad pretium incertum,
[032] scilicet¹⁶ quolibet anno vel tempore mutatum et alternatum, secus si ad
[033] certum. Et hæc locum habent inter privatas personas: inter regem et privatas
[034] personas non tenet istud quia rex parem non habet, nec vicinum, nec¹⁷
[035] superiorem.>

Notes

7. contentionem vel interruptionem, V, MG.

8. adhibitam, OA, LA, OC, MC.

9. Om., OB, MA, MB; si cum, Y; cum si, CM.

10. Om., OB, MA, MB, CE, CM, Y.

11. sed, OA, LA, OC, MG, MC.

12. vel, OA, LA, OC, V, MC.

13. Om., OB, MA, MB, CE, CM, Y, MC.

14. possidenti, OA, MA, CE, Y, MC.

15. valet si fuerit violenta, V, OC, MG (violentia).

16. simul, OC, MG.

17. Om., OB, MA, MB, CE, CM, MC.