Bracton: Thorne Edition: Latin. Volume 2, Page 155

Harvard Law School Library

Bracton Online -- Latin

Volume 2, Page 155

Next

Go to Volume: Page:

[001] iusta causa adquisitionis, statim cum donationem fecerit et traditionem
[002] animo transferendi, statim amittit et desinit habere utramque ex ipsa
[003] traditione. Et eodem modo si quis utramque habuerit, et contra voluntatem
[004] suam disseisitus fuerit et eiectus, statim amittat naturalem: civilem autem
[005] nequaquam, donec iterum se reponere¹¹ velit¹² in seisinam repellatur, vel
[006] si crediderit se posse repelli, abstineat a seisina et ad superiorem recurrat,
[007] et tunc desinit possidere. Sed si recenter dum civilem habuerit reiecerit
[008] eiectorem, recuperat naturalem,¹³ et sic habet utramque, tam naturalem
[009] quam civilem. Et sic quandoque desinit quis possidere et alius incipit
[010] statim cum alius desinit, sive fuerit naturalis possessio per se, sive naturalis
[011] et civilis coniunctim. Item cum quis eiectus fuerit et naturalem possessionem
[012] amiserit, si ad tempus per negligentiam vel impotentiam vel patientiam
[013] iniuriam dissimulaverit, amittit utramque, tam naturalem quam civilem,
[014] cum patientia trahatur ad consensum. Et sic desinit versus dominus
[015] possidere et incipit possidere possessor violentus. Et eodem modo si verus
[016] dominus a possessione recesserit nemine suorum in possessione relicto, adhuc
[017] retinet utramque naturalem et civilem, quousque alius ingrediatur
[018] contra voluntatem suam eo sciente vel ignorante. Et tunc desinit verus
[019] dominus habere possessionem naturalem iustam, et¹⁴ intrusor incipit habere
[020] naturalem sed iniustam, sed retinet verus dominus civilem quousque reversus
[021] repellatur sine spe ponendi se in seisinam, vel cum suspicetur se posse
[022] f.51b] repelli: et tunc amittit utramque et intrusus incipit habere utramque.
[023] Et cum intrusus utramque habuerit, et sine iudicio a vero domino
[024] eiectus fuerit, tunc fiet de eo sicut supra dicitur de vero domino, et verus
[025] dominus propter suam iniuriam amittet¹⁵ actionem suam et assisam, secundum
[026] quod inferius dicetur de assisis.¹⁶ Si autem hoc fecerit cum iudicio et
[027] per assisam, vel recenter sine assisa, aliud erit. Item cum malæ fidei possessor
[028] ita utramque habere inceperit, si ab extraneo eiectus fuerit, tunc fiet¹⁷ de
[029] eo sicut fieri deberet de vero domino quantum ad extraneas personas. Item
[030] amittit quis utramque morte naturali vel civili. Morte naturali civilem
[031] amittit in exitu animæ, et naturalem cum corpus efferatur. Civilem et naturalem
[032] simul, ex morte civili, cum habitum religionis assumpserit ita quod
[033] ad sæculum redire non possit. Item cum in possessione extiterit, licet eiectus
[034] non fuerit, si tamen prohibitus fuerit uti frui vel quod commode non
[035] possit vel modo debito, per se neque per suos, vel si alius uti voluerit contra
[036] voluntatem suam, retinet dominus naturalem possessionem iustam, et impediens
[037] vel perturbans ex longa possessione per impotentiam vel negli-

Notes

11. Om., CE; ponere, OB, MA, MB, CM, Y.

12. vellet, OB, MA, MB, CM, MG, Y; volet, OA, LA, CE; velit, OC, V; nollet, MC.

13. Om., OB, MA, MB, CE, CM, Y.

14. ut, OB, MA, MB.

15. amittit, V, OC, MG; amittat, CM.

16. assisa, V, MA; assis., MSS. var.

17. fiat, V, OA, LA, OC, MG, MC.