Bracton: Thorne Edition: Latin. Volume 2, Page 148

Harvard Law School Library

Bracton Online -- Latin

Volume 2, Page 148

Next

Go to Volume: Page:

[001] non, vitiosa vel non, et omnia debet diligenter perscrutari et inquirere,
[002] cum ignorantia ipsum non excuset, et cum liceat contrahentibus sese ad
[003] invicem decipere. Sed hæc quæ dicta sunt magis habent locum in venditionibus
[004] quam²⁵ in donationibus,²⁶ secundum quod inferius dicetur plenius²⁷ de
[005] emptione et venditione. Cum enim capitalis dominus ex tali conventione se
[006] posuerit in seisinam, rem retinere non poterit nisi tantum dederit quantum
[007] quilibet alius dare voluerit. Hoc enim tacite intellegitur licet in instrumento
[008] non exprimatur, et si illam sic recusaverit, bene²⁸ liceat tenenti suo inde
[009] facere quod voluerit, dum tamen res prius offeratur domino sub eadem condicione.
[010] Et hæc vera sunt nisi prius inter dominum et tenentem convenerit
[011] de certo pretio. Item poterit donator ex speciali conventione contra ius commune
[012] condicionem suam meliorem facere in causa donationis, ut si pro
[013] homagio et servitio donationem fecerit. Ad homagium vero pertinet warantizatio
[014] et defensio et excambium si warantizare non possit, et ex speciali conventione
[015] exonerari poterit²⁹ dominus si specialiter in donatione³⁰ convenerit
[016] ne warantizet, et sic poterit tenens gratis renuntiare his quæ pro se introducta
[017] sunt a lege contra ius commune. Item vice versa poterit donatarius
[018] condicionem suam meliorem facere ex speciali conventione contra ius commune,
[019] ut si³¹ cum³² ad homagium et servitium regale pertineat custodia³³
[020] heredis et maritagium,³⁴ ex speciali conventione poterit tenens exonerare
[021] suos heredes et suum tenementum, ne capitalis dominus habeat custodiam
[022] et maritagium, si ita specialiter convenerit contra ius commune: et ita
[023] poterit tenens condicionem suam meliorare et dominus suam peiorem
[024] facere. Et unde cum heredes tenentis semel³⁵ adquietantiam³⁶ habuerint in
[025] vita capitalis domini vel heredum suorum, licet heredes capitali domini
[026] infra ætatem fuerint et in custodia dominorum suorum, tales capitales³⁷
[027] domini nihil iuris clamare poterunt in custodia vel maritagio heredum ultimi
[028] tenentis, quia si petant, nihil petere possunt nisi nomine heredis sui feoffati,
[029] sed si ipse esset plenæ ætatis, nihil petere posset opposita conventione, nec
[030] ipsi per consequens qui petunt nomine suo. Unum tamen obstare posset si
[031] uterque heres infra ætatem extiterit, et heres ultimi tenentis numquam
[032] quietantiam³⁸ habuerit,³⁹ quia si capitalis dominus petat et excipiatur de
[033] conventione, et ad probandam exceptionem carta vel aliud instrumentum
[034] producatur, replicari poterit a domino quod heres sui tenentis non poterit
[035] ad exceptionem et ad⁴⁰ cartam respondere,⁴¹ et sic obtinebit ea vice. Sed
[036] quæritur an propter hoc debeat carta vacua remanere. Et videtur quod

Notes

27. Om., OB, MA, MB, CE, CM (emptionibus).

25-26. Om., OB, MB, (+ MA).

28. unde, MG, LA.

29. non poterit, MC.

30. donatione sua, LA, MC.

31-32. sicut, OB, MA, MB, MC, CM; cum, OC; neque cum, MG; ita videlicet cum, V.

33-34. custodia et heredis maritagium, V, OA, LA, MG, MC.

35. simul, MG, CM, OC.

36. quietantiam, OA, LA, OC, MG.

37. Om., OB, MA, MB.

38. adquietantiam, V, CE.

39. habuit, V, OB, MA, MB, CE.

40. Om., V, OB, MA, MB.

41. non poterit respondere, CM.