Bracton: Thorne Edition: Latin. Volume 2, Page 119

Harvard Law School Library

Bracton Online -- Latin

Volume 2, Page 119

Next

Go to Volume: Page:

[001] autem teneatur ad warantiam donator, et feoffatum suum in seisina sua
[002] defendere noluerit,⁴¹ et petens contra eum obtinuerit, tenetur donator ad
[003] excambium ad valentiam. Et⁴² qui teneantur⁴³ warantizare, et cui et
[004] quando⁴⁴ et quando⁴⁵ non, dicetur plenius infra in tractatu de warantia,
[005] quod quidem esset longum hic enarrare.⁴⁶ Item dicitur in carta, contra
[006] omnes gentes, ad quod sciendum quod poterit unus vel plures a tali generalitate
[007] extra capi, ut si dicatur, warantizabimus contra omnes gentes præterquam
[008] contra tales. Item videndum cum dicat ita⁴⁷ generaliter⁴⁸ contra
[009] omnes gentes, an ipse et heredes sui warantizare debeant contra se ipsos.
[010] Et sciendum quod sub hac generalitate non comprehenduntur, quia si
[011] terram petant in dominico contra donationem et cartam suam, eliditur
[012] actio per exceptionem donationis, cum illi petere non possint quod contra
[013] alios debent warantizare. Eodem modo, si servitium petant indebitum, de-
[014] f.38] fendentur feoffati per cartam, vel dabitur eis actio ne indebitas
[015] exigant consuetudines et servitia, nec stare poterit simul quod quis petat
[016] ubi¹ defendere deberet, nec si feoffator petat versus feoffatum suum² numquam
[017] locum habebit³ placitum de warantia cartæ. Item dicitur, per prædictum
[018] servitium, id est per servitium in carta donationis comprehensum,
[019] quia si nullum esset in carta expressum, superflua esset adiectio, scilicet
[020] per prædictum servitium. Et unde videtur quod omnia servitia et⁴ consuetudines
[021] exprimi debent in carta donationis quæ pertinent ad dominum capitalem
[022] feoffatorem⁵ ex⁶ tenemento dato, et quod nihil aliud peti possit nisi
[023] quod in carta donationis expressum fuerit. Videtur etiam per hæc verba
[024] quod donator ad warantiam tenebitur quamvis homagium non intervenerit
[025] nec fidelitas. Et quoniam huiusmodi scripturæ non esset fides adhibenda nisi
[026] signum interveniret,⁷ quod talis donatio et scriptura a conscientia et voluntate
[027] donatoris emanaret, ideo in testimonium et approbationem⁸ rei gestæ
[028] apponit donator signum adiciendo in carta donationis clausulam istam,
[029] Quod ut ratum sit etcetera. Vel sic, In cuius rei testimonium huic scripto
[030] sigillum meum apposui. Debent etiam testes ad hoc vocari, ut sub præsentia
[031] eorum⁹ omnia cum sollemnitate procedant, ut veritatem dicere possint
[032] si inde fuerint requisiti, et eorum nomina debent in carta comprehendi.
[033] Et si in confectione cartæ præsentes non fuerint, sufficit si postmodum in
[034] præsentia donatoris et donatarii fuerit recitata et concessa, et utilius et

Notes

41. voluerit, V, OB, LA, CE, MC.

42. Om., MG, CM.

43. teneatur, OA, LA, OC, MC, MG, CM; tenentur, MA.

44. quantum, LA, MC.

45. quæ, MG, CM.

46. narrare, OB, MA, MB.

47-48. in generali, OB, MA, MB.

1. sibi ubi, Y; sibi quod, OB; ubi quod, MA; sibi, MB.

2. Om., OA, LA, OC, MG, CM.

3. habet, LA, MC.

4-5. Om., LA, MC (+).

6. et, MG, CM.

7. intervenerit, V, OC, CM, Y.

8. probationem, OA, LA, OC, MG, CM; appropriationem, MC; probationem et approbationem, Y.

9. ipsorum, OB, MA, MB.