Bracton: Thorne Edition: Latin. Volume 2, Page 118

Harvard Law School Library

Bracton Online -- Latin

Volume 2, Page 118

Next

Go to Volume: Page:

[001] imperpetuum per prædictum servitium. Per hoc autem quod dicit, ego et
[002] f.37b] heredes mei, obligat se et heredes suos ad warantiam, propinquos
[003] et²⁷ remotos, præsentes et futuros, ei succedentes in infinitum. Per hoc
[004] autem quod dicit, warantizabimus, suscipit in se obligationem ad defendendum
[005] suum tenentem in possessione rei datæ, et assignatos suos et eorum
[006] heredes, et omnes alios secundum quod supra dictum est, si forte tenementum
[007] datum ab aliquo petatur in dominico. Per hoc autem quod dicit,
[008] adquietabimus, obligat se et heredes suos ad adquietandum si quis plus
[009] petierit servitii, vel aliud servitium quam in carta donationis contineatur.
[010] Per hoc autem quod dicit, defendemus, obligat se et heredes suos ad defendendum
[011] si quis velit servitutem imponere rei datæ contra formam suæ
[012] donationis. Item non sufficit si rem illam ei²⁸ warantizat²⁹ nisi warantizaverit
[013] eius³⁰ pertinentias,³¹ sive consistant in corpore sive in iure. In corpore,
[014] ut si pertineant hameletti³² qui non sunt³³ de corpore rei datæ. In iure, ut
[015] si³⁴ pertineat³⁵ advocatio in proprio, vel servitus³⁶ in alieno. Item poterit esse
[016] warantizatio larga et stricta. Larga, ut si dicatur, Ego et heredes mei
[017] warantizabimus tali et heredibus suis. Largior, ut si dicat,³⁷ tali et heredibus
[018] suis et assignatis et heredibus assignatorum. Item largissima, ut si
[019] dicat, tali et heredibus suis et assignatis et eorum heredibus, et assignatis
[020] assignatorum et heredibus eorum. Et sic tenetur donator et eius heredes
[021] omnibus³⁸ warantizare per modum donationis, si res data ad tot manus
[022] devenerit, et³⁹ hoc immediate. Si autem ita dicat, tali et heredibus suis
[023] warantizabimus, si talis ulterius dederit vel assignaverit, non tenetur ille
[024] principalis feoffator talibus warantizare immediate, sed per medium,⁴⁰
[025] scilicet quod quilibet vocet ad warantum suum feoffatorem, de gradu in
[026] gradum ascendendo. Item poterit esse warantia stricta, ut si dicatur,
[027] tali et heredibus suis quos de uxore sibi desponsata procreatos habuerit, hic
[028] vero coartatur warantizatio ad tantum heredes expressos et non ad alios.
[029] Item strictior, ut si dicat, Ego et heredes mei warantizabimus tibi, quo
[030] casu excluduntur a warantia heredes donatarii. Item strictissima, ut si
[031] dicat, Ego warantizabo vobis, nulla facta mentione de heredibus donatoris
[032] vel donatarii. Item quamvis in donatione interveniat homagium et
[033] servitium per modum in donatione appositum, excusari poterit a warantia
[034] si hoc adiciat in carta donationis, ne ipse vel heredes sui teneantur
[035] ad warantiam, quia in multis casibus vincit conventio legem. Cum

Notes

27. propinquos remotos, OB, MA, Y.

28. Om., OB, MA, MB.

29. warantizet, OB, MA, MB, Y, CM.

30-31. cum pertinentiis, MG, CM.

32. hammelecti, hamelecti, hameleta, MSS. var.

33. sint, OA, LA, MC, OC; fuit, MG, CM.

34. Om., OB.

35. permaneat, V; pertineant, OB.

36. servitiis, OB, MA, MB, CE, Y; servitia, LA.

37. dicatur, CE, Y, CM.

38. Om., MG, CM.

39. Om., OB, MA, MB, Y.

40. modum, OB, MA, Y (corr. medium).