Bracton: Thorne Edition: Latin. Volume 2, Page 117

Harvard Law School Library

Bracton Online -- Latin

Volume 2, Page 117

Next

Go to Volume: Page:

[001] warantizabimus tali et heredibus suis tantam terram cum pertinentiis contra
[002] omnes gentes imperpetuum per prædictum servitium, hoc erit intellegendum
[003] tantam terram cum pertinentiis de omnibus servitiis et secularibus
[004] demandis quæ ad dominos feodi pertinent ratione prædicti tenementi.
[005] Igitur⁹ servitia quæ pertinent ad dominum regem pro iustitia vel pace,
[006] sicut sectæ ad comitatum et¹⁰ hundredum, et tres sectæ prænominatæ, ad
[007] curias,¹¹ auxilia vicecomiti, et ad fines communes et misericordias, excluduntur,
[008] cum¹² non pertineant ad dominos feodorum sed ad regem, nisi ipse
[009] dominus feodi¹³ ad hoc specialiter se obligaverit in carta sua. Poterit enim
[010] dominus si voluerit se obligare ad indebita, et teneri et debita remittere
[011] si voluerit, ut si tenenti suo remittat custodiam, maritagium et relevium
[012] cum evenerint. Ea vero quæ pertinent ad regem remittere non potest,
[013] obligare tamen potest et onerare se ipsum. <In præiudicium domini regis
[014] nec tenentem adquietare, cum huiusmodi personas hominum requirant,¹⁴
[015] sicut visus franci plegii, et alia quæ introducta sunt pro pace et communi
[016] utilitate. Nec etiam dominus ea remittere poterit tenenti suo, si ipse dominus
[017] huiusmodi libertates habuerit a domino rege concessas, non magis quam
[018] facere sub se iustitiarios, cum ipse in hac parte sit iustitiarius domini regis,
[019] nisi¹⁵ ipse rex¹⁶ factum et concessionem domini feoffantis confirmaverit.
[020] Sed tunc ex confirmatione domini¹⁷ regis factum domini roboretur,¹⁸ nec
[021] poterit dominus contra factum suum venire, cum hoc non sit ad alicuius
[022] præiudicium nisi suum proprium. Nec ipse rex contra suam confirmationem,
[023] quod quidem aliter¹⁹ esset. Sed huiusmodi libertates tantum pertinent
[024] ad regem et non ad alium.> Item poterit quis feoffari ab alio per
[025] diversa genera servitiorum faciendo,²⁰ scilicet servitium in denariis, et reddendo
[026] scutagia, et per seriantiam unam vel plures. Et unde si tantum in
[027] denariis sine scutagio vel seriantia, vel si ad duo teneatur sub disiunctione,
[028] scilicet²¹ ad certam rem dandam pro servitio, vel aliquam²² summam²³ in
[029] denariis, illud tenementum dici poterit socagium. Si autem superaddat
[030] scutagium et servitium regale, licet ad unum obolum, vel seriantiam secundum
[031] quod superius dictum est, illud dici poterit feodum militare. In carta
[032] vero de donatione quandoque adicitur hæc clausula, Et ego et heredes mei
[033] warantizabimus tali et heredibus suis tantum,²⁴ vel tali et heredibus suis²⁵
[034] vel assignatis et heredibus assignatorum, vel assignatis assignatorum et
[035] eorum heredibus, et adquietabimus et defendemus eis totam terram illam
[036] cum pertinentiis, secundum quod prædictum est, contra omnes²⁶ gentes

Notes

9. ideo, MG, CM.

10. vel, V, MA; vel ad, OB, MB.

11. curiam, LA, MC; ad cur., MSS. var.

12. Om., MG, CM.

13. Om., OB, MA, MB, CE, Y.

14. requirunt, V, MG, CM.

15-16. Om., LA, MC.

17. Om., LA, MC.

18. roboratur, V, LA, MC.

19. alter, MG, CM.

20. facienda, V; faciend., OB, CM.

21. si, MG, CM.

22-23. aliqua summa, LA, MC.

24-25. Om., MG, CM, Y.

26. omnes homines et, LA, MC.