Bracton: Thorne Edition: Latin. Volume 2, Page 108

Harvard Law School Library

Bracton Online -- Latin

Volume 2, Page 108

Next

Go to Volume: Page:

[001] data. Et fiunt aliquando donationes in scriptis, sicut in cartis, ad perpetuam
[002] memoriam propter brevem hominum vitam, et⁸ ut facilius probari
[003] possit donatio. Et tamen nihilominus valet, licet scriptura non intervenerit,
[004] dum tamen alias habeat probationes.

De distinctione cartarum.

[006] ET sciendum quod cartarum alia regia, alia privata. Et regiarum alia privata,
[007] alia communis, alia universitatis. Item privatarum alia de puro feoffamento
[008] et simplici, alia de feoffamento condicionali, sive conventionali.
[009] Et secundum omnia genera feoffamentorum fieri poterit.⁹ Item privatarum
[010] alia de recognitione pura vel condicionali. Item alia de quieta clamantia.
[011] Item alia de confirmatione. Et de hac materia inveniri poterit
[012] infra de finali concordia. Carta vero de puro feoffamento est¹⁰ de simplici
[013] feoffamento¹¹ sine aliqua adiectione.¹² Condicionalis,¹³ ut si condicio donationi
[014] sit¹⁴ adiecta, ut supra videri poterit. Item de recognitione, ut si tenens
[015] rem quam detinet et ab eo petitur,¹⁵ recognoverit esse ius petentis. Vel e
[016] converso, si petens rem quam tenens tenet recognoverit esse ius tenentis,
[017] tenendam de se vel de alio, vel¹⁶ si illam remiserit et quietam clamaverit.
[018] Item de pura¹⁷ quieta clamantia, ut¹⁸ si petens pure remiserit et quietam
[019] clamaverit tenenti terram, quam petiit ut ius suum. Item carta de confirmatione,
[020] quæ alterius factum consolidat et confirmat tantum, et nihil
[021] novi attribuit, sed aliquando confirmat et addit. Item earum quæ sunt
[022] privatæ¹⁹ et simplices de pura donatione remanent donatario et eius
[023] heredibus. Si autem communes²⁰ sint duplicari²¹ debent, quod quilibet
[024] habeat partem suam, vel deponi in æqua manu cuilibet partium, cum
[025] necessarie fuerit exhibenda. Et si penes donatarium remanserit, donator
[026] eo quod sua interest petat²² exhibitionem, cum donatarius forte aliquid
[027] petat a donatore, quod donator negaverit vel de quo dubitetur, vel si donator
[028] petat et donatarius neget, tunc donatarius vel exhibeat instrumentum,
[029] vel ei denegetur actio si petens fuerit, vel si ab eo petatur remaneat indefensus.
[030] Communis enim esse poterit, ut si terra detur ad terminum annorum
[031] vel²³ ad firmam. Item communis esse poterit alia²⁴ ratione et perpetua,
[032] ut si quis donationem fecerit alicui de aliqua re, retenta sibi aliqua parte
[033] f.34] illius rei, ut si quis manerium dederit retenta sibi quarta parte vel
[034] de eius pertinentiis. Ut si quis manerium dederit retenta sibi advocatione

Notes

8. Om., OC, CM, P, Y, HA, HB, MA (-- ut).

9. potest, OC, MG, CM, LA, MC, HA, HB.

10-11. Om., MG, CM, HA.

12-13. adiectione condicionali, MSS. var.

14. non sit, OB, MB, CM, P, MA.

15. petatur, V, OC, Y.

16. ut, OC, CM, P.

17. pura et, CM, HB.

18. et, OA, OB, MA, Y.

19. privatorum, OA, HB, OC (corr. p-arum); privatarum, MG, HA.

20-21. sint communes aut duplicari, OC, MG, HA, HB.

22. petat a donatario, V, CM, P, Y (a donatore).

23. et, OA, MA, MB, MC, LA, P, OD.

24. aliqua, MA, MB, HA.