Harvard Law School Library
Bracton Online -- Latin
Previous   Volume 4, Page 258  Next    

Go to Volume:      Page:    



[001] in manu sua existentis, præsentaverit clericum, et qui ad præsentationem
 [002] suam fuit institutus, et episcopus,14 abbas vel prior substitutus veniat
 [003] contra præsentationem regis vel patris sui: tunc fiat prohibitio in hac
 [004] forma.

Prohibitio iudicibus si clericus ad præsentationem regis vel antecessoris admissus implacitetur in curia christianitatis.


 [006] REX talibus iudicibus salutem. Monstravit nobis A. de N. quod cum teneat
 [007] ecclesiam talem de donatione Iohannis regis patris nostri, quam ei contulit
 [008] ratione talis prioratus vacantis et in manu nostra15 existentis, prior
 [009] illius loci iam infirmare nititur institutionem illius A. de prædicta ecclesia,
 [010] quam16 sic17 ad præsentationem dicti patris nostri canonice est adeptus, et
 [011] gravans et inquietans eum multipliciter, trahit eum coram vobis in curiam18
 [012] christianitatis auctoritate litterarum domini papæ de eadem ecclesia. Et
 [013] quoniam hoc est manifeste in opprobrium et præiudicium regiæ dignitatis
 [014] si prædictus prior in causa illa obtineat, vobis prohibemus ne in causa illa
 [015] procedatis, cum vobis19 et universis de regno nostro notorium sit et esse
 [016] debeat, quod ecclesiæ vacantes et pertinentes ad collationem episcoporum,
 [017] abbatum et priorum, sede non vacante dum viverent, pertinere debent ad
 [018] nos tempore vacationis ratione custodiæ. Teste etcetera. Et quod dictum
 [019] est de episcopatibus, abbatiis20 et prioratibus, dici poterit de baroniis et
 [020] aliis dum fuerint in custodia domini regis.

<De21 donationibus quæ pertinent ad22 regem in vacatione episcopatuum, abbatiarum, prioratuum et huiusmodi.24>


 [022] f.404b] EST etiam inter alias prohibitiones quædem prohibitio, ubi
 [023] videlicet clericus implacitaverit ballivum domini regis in curia christianitatis
 [024] aliqua de causa, eo forte quod idem ballivus eum arrestavit pro aliqua
 [025] transgressione et pro pace domini regis, et de quo petita fuerit curia christianitatis
 [026] per episcopum. Et forma prohibitionis talis est.

Prohibitio si clericus implacitaverit ballivum vel alium ministrum eo quod arrestavit eum pro pace regis vel pro latrocinio.


 [028] REX talibus iudicibus salutem. Monstravit nobis talis vicecomes, maior,
 [029] præpositus talis villæ vel ballivus quilibet, quod cum A. clericum tamquam
 [030] malefactorem et rettatum de roberia et societate latronum, vel inventum
 [031] tali loco in conventu et societate latronum et certa suspicione notatum,
 [032] pro officio sui debito et pro pace nostra per legem terræ secundum regni
 [033] nostri consuetudinem, nuper arrestari fecisset, quem25 etiam postmodum

Notes

14. e. et, OC, CE, MC; e. vel, MG.

15. sic, MSS. gen.; sua, MA.

16-17. quod sic, OC, CE (sit); qui si, CM; quam sit, MG, MC.

18. cur. (= curia?), MSS.

19. nobis, MSS. var.

20. abbatibus, OC, MG, CE.

21-24. sic, OA, MC, CM, LA; sim., OC, CE; om., MB, MG.

22-24. Om., OB.

25. quoniam, V, MA, CM.

Contact: specialc@law.harvard.edu
Page last reviewed April 2003.
© 2003 The President and Fellows of Harvard College