Bracton: Thorne Edition: Latin. Volume 4, Page 224

Harvard Law School Library

Bracton Online -- Latin

Volume 4, Page 224

Next

Go to Volume: Page:

[001] petente videlicet et tenente, moriatur warantus. Si autem aliqua partium
[002] vel ambæ partes principales moriantur, sic cadit causa principalis et
[003] totum fundamentum et per consequens placitum incidens de warantia.
[004] Suspenditur autem warantia ad tempus propter minorem ætatem ipsius
[005] waranti in placito proprietatis, ut si pater vel mater vel alius antecessor de
[006] aliquo tenemento obiit seisitus ut de feodo, quo casu ille qui minor est,
[007] sive unus sive plures, ante plenam ætatem non respondebit, licet petere
[008] possit aliquando in causa proprietatis ante plenam ætatem viginti et
[009] unius anni, secundum quod tenementum fuerit socagium vel feodum
[010] militare. Et cum warantia propter ætatem suspendatur, merito debet esse
[011] in suspenso usque ad plenam ætatem placitum principale.

Fallit hoc quandoque propter finem factum vel si antecessor minoris non obiit seisitus ut de feodo, quia minor respondebit ad finem.

[013] FALLIT tamen istud in casibus tum⁶ propter finem factum in curia domini
[014] regis, tum quia antecessor minoris non obiit seisitus ut de feodo de re
[015] de qua vocatus est ad warantum in dominico neque in servitio, sed⁷ forte
[016] ad terminum annorum vel ad vitam vel ut de vadio vel nomine custodiæ et
[017] huiusmodi. Propter finem factum, quia esto quod A. petat versus B.
[018] tantam terram etcetera, et B. vocet inde ad warantum C. qui⁸ nolit
[019] respondere infra ætatem quia antecessor suus obiit inde seisitus ut de
[020] feodo: si B. proferat cirographum et finem factum in curia domini regis
[021] inter ipsum et prædictum C. vel inter eorum antecessores, tunc quamvis
[022] idem C. infra ætatem existat, respondebit ad finem illum quod⁹ de facili
[023] reprobari non poterit et procedetur ad iudicium de warantizatione, licet
[024] ad simplicem cartam vel ad homagium et servitium infra ætatem non teneatur
[025] respondere. Sed in hoc casu respectum habebit respondendi tam de
[026] warantizatione versus B. quam de principali placito versus A. Sed si
[027] finis et cirographum intervenerit, ætas ipsius C. non expectabitur versus
[028] B. qui ipsum vocavit ad warantum per finem illum, quin¹⁰ statim warantizet
[029] non expectata ætate sua, quia ad finem factum respondebit quilibet
[030] minor etsi non esset nisi unius anni. Et cum C. sic warantizaverit ipsi B.
[031] expectabitur ætas sua versus ipsum A. qui petit de placito principali,
[032] et sic videtur prima facie quod in uno¹¹ eodem placito expectatur¹² ætas
[033] et non expectatur,¹³ quod quidem¹⁴ verum est, sed tamen secundum
[034] diversos respectus, cum hic sint duo placita, unum videlicet principale
[035] quod est inter ipsum A. et B., et aliud incidens quod est inter B. et C. de

Notes

6. Om., MA, MB, CM.

7. neque, OC, CE; licet, MG.

8. Om., OA, MC, LA, MG; C., OC, CE; et C., CM.

9. et, OC, MG, CE.

10. qui, OB, MA, MB.

11. uno et, V, OC, CE, MB.

12. expectabitur, OC, MG, CE.

13. expectabitur, OC, CE, MG.

14. Om., OA, OB, MA, MB, Y.