Bracton: Thorne Edition: Latin. Volume 4, Page 208

Harvard Law School Library

Bracton Online -- Latin

Volume 4, Page 208

Next

Go to Volume: Page:

[001] etcetera ut supra. Et idem C. non venit, et habuit diem in banco postquam
[002] comparuerat¹⁴ in curia¹⁵ etcetera. Iudicium etcetera. Capiatur de
[003] terra ipsius C. ad valentiam, et ipse C. summoneatur quod sit ad talem
[004] diem auditurus iudicium suum, per parvum cape quod tale est.

Cape de terra waranti ad valentiam.

[006] REX vicecomiti salutem. Cape in manum nostram de terra C. in balliva
[007] tua pro defectu ipsius C. ad valentiam tantæ terræ cum pertinentiis¹⁶
[008] in tali villa, quam A. de N. in curia nostra etcetera, coram iustitiariis
[009] etcetera, clamat ut ius suum versus B., et unde idem B. in eadem curia
[010] nostra coram iustitiariis etcetera vocavit ipsum C. ad warantum versus
[011] prædictum A. Et summone per bonos summonitores prædictum C. quod
[012] sit coram iustitiariis nostris ad talem diem auditurus inde iudicium suum.
[013] f.386b] Et habeas ibi summonitores et hoc breve. Teste etcetera. Ad
[014] quem diem si non venerit amittet ad valentiam terræ petitæ per defaltam
[015] versus B.¹⁷ qui tenet, et A. recuperabit versus¹⁸ B.¹⁹ terram petitam,
[016] et fiat talis irrotulatio: B.²⁰ obtulit se quarto die versus C. de placito quod
[017] warantizet ei tantam terram cum pertinentiis in tali villa, quam A. clamat
[018] etcetera ut supra versus B., et unde idem B. vocavit ad warantum ipsum
[019] C. Et C.²¹ non²² venit et alias fecit defaltam postquam comparuit²³ in
[020] curia, ita quod terra capta fuit in manum²⁴ domini regis. Et ipse²⁵ C. summonitus
[021] ad audiendum iudicium suum. Et ideo consideratum est quod A.
[022] recuperet seisinam suam versus B. et B. in misericordia, et habeat excambium
[023] ad valentiam de terra ipsius C. Et²⁶ fiat utrique ipsorum²⁷
[024] seisina, scilicet²⁸ A. de re petita et B. de excambio in²⁹ forma supra dicta.³⁰

De viro et uxore cum simul vocati fuerint ad warantum et alter ipsorum defaltam fecerit.

[026] QUID autem dicetur de viro et uxore cum simul vocati fuerint ad warantum
[027] et unus illorum defaltam fecerit? Tunc fiat ac si uterque defaltam
[028] faceret, vel per magnum cape vel per parvum secundum quod defalta
[029] facta fuerit antequam comparuerit³¹ vel post. Sed cum vicissim se essoniaverint
[030] et unus in banco diem acceperit³² cum alius se essoniaverit
[031] et³³ postmodum ambo defaltam fecerint, tunc pro defectu utriusque
[032] capienda erit terra in manum³⁴ domini regis. Sed refert utrum per magnum
[033] cape vel per parvum, quia ratione eius qui non comparuit³⁵ videtur quod

Notes

14. comparuit, Y, MA, CM; comparuerit, OA, OB, MB, MG.

15. c. nostra, V, CM.

16. p. suis, V, OA, MB, Y.

17. D., OA, OB, MA, CM; B., Y, OC, MG, CE, MB; om., MC, LA.

18-19. Om., OB, MA, MB, Y.

20. A., V, OB, MA, MB, MG, Y.

23. comparuerit, MSS. var.

21-22. cum, OC, MG, CE.

24. manu, OC, MG, CE.

25. ipsum, OC, MG, CE.

26. et sic, OC, CE; et si, MG.

27. eorum, V, CM, MA, MB.

28. Om., OB, MA, MB.

29-30. Om., OB, MA, MB.

31. comparuerint, V, MC, LA.

32. receperit, V, MB.

33. vel, OB, MA, MB.

34. manu, OC, CE, MG.

35. comparuerit, V, OC, CE, MB.