Bracton: Thorne Edition: Latin. Volume 4, Page 203

Harvard Law School Library

Bracton Online -- Latin

Volume 4, Page 203

Next

Go to Volume: Page:

[001] facta fuerit. Et habeas ibi hoc breve et nomina eorum per quorum sacramenta
[002] extensionem et appretiationem illam feceris.²⁹ Teste etc. Et cum
[003] per extensionem constiterit de valore, tunc primo præcipiatur vicecomiti
[004] ubi warantus terram habet quod capiat in manum domini regis ad
[005] valentiam per hoc breve.

Breve de capiendo terram pro defectu.

[007] REX vicecomiti salutem. Cape in manum nostram³⁰ per visum etcetera de
[008] terra talis pro³¹ defectu³² ipsius talis ad valentiam centum solidatarum
[009] terræ pro una carucata terræ cum pertinentiis in tali villa in tali comitatu,
[010] quam talis in curia nostra etcetera clamat ut ius suum versus talem, et
[011] unde idem³³ talis vocavit etcetera, et³⁴ diem etcetera.³⁵ Et summone talem
[012] quod sit ad talem diem etcetera. Teste etcetera. < Quandoque tamen sine
[013] tali inquisitione facienda æstimetur terra quæ petita est secundum solam
[014] assertionem³⁶ petentis, et capiatur in alio comitatu ad valentiam, ut si
[015] tenens retinuerit non erit necesse ulterius procedere. Si autem amiserit,
[016] tunc procedatur ad veram inquisitionem quod prius non erit necesse: ut
[017] de termino Paschæ anno regis Henrici quarto decimo. >

Si de advocatione vocetur warantus, tunc capiatur terra ad valentiam et æstimetur advocatio, ut sciri possit quantum capi debeat.

[019] CUM petatur advocatio et tenens warantum vocaverit qui defaltam fecerit,
[020] tunc de terra waranti capiatur ad valentiam in manum³⁷ domini regis, sive
[021] warantus manens sit³⁸ in eodem comitatu sive in diversis. Sed quoniam
[022] incertum erit quantum³⁹ capi debeat de terra waranti, nisi prius constiterit
[023] de valore advocationis, imprimis æstimanda erit ecclesia et per consequens
[024] sciri poterit quantum valeat advocatio. Extensio quidem advocationum⁴⁰
[025] talis esse debet in partitionibus faciendis inter coheredes, quod si ecclesia
[026] valeat viginti marcas plus⁴¹ vel minus, pro qualibet marca⁴² in extensione
[027] facienda computetur redditus duodecim denariorum, sicuti pro viginti
[028] marcis viginti solidi. Et facta sic extensione, capiatur pro defalta waranti
[029] ad valentiam per hoc breve.

Cape tantam terram quæ sit de hereditate talis.

[031] REX vicecomiti salutem. Cape in manum nostram per visum etcetera de
[032] terra talis mulieris in balliva tua quæ sit de hereditate eius, cum forte
[033] aliam terram habuerit simul cum hereditate sicut nomine dotis, pro defectu
[034] ipsius mulieris, ad valentiam viginti solidatarum redditus cum pertinentiis
[035] pro⁴³ advocatione⁴⁴ talis ecclesiæ quam A. in curia nostra etcetera

Notes

29. fecerit, OA, OB, MB, OC, MG, CE; fac., MA.

30. domini regis, OA, OB, MA.

31-32. per defectum, V, CM; om., MG.

33. Om., OB, MA, MB.

34-35. Om., OA, OB, MA, MB, Y.

36. assentionem, OC, CE; assignationem, CM.

37. manu, OC, MG, CE.

38. fuerit, V, OB, MA, MB.

39. q. terræ, MC, LA.

40. advocationis, OC, MG, CE.

41-42. Om., OA, OB, MA, MB, Y.

43-44. per advocationem, MC, LA.