Bracton: Thorne Edition: Latin. Volume 4, Page 166

Harvard Law School Library

Bracton Online -- Latin

Volume 4, Page 166

Next

Go to Volume: Page:

[001] communi, si omnes simul defaltam fecerint postquam simul et semel in
[002] iudicio comparuerint vel vicissim omnes, omnes amittunt et fiat parvum
[003] cape de omnibus. Si autem unus ipsorum tantum, duo vel plures essoniati
[004] f.371b] fuerint primo die summonitionis, et quidam defaltam fecerint et
[005] quidam comparuerint, capiatur terra in manum²⁴ domini regis de²⁵ terra
[006] quam tenent in communi pro defalta absentium, pro rata²⁶ cuiuslibet qui
[007] absens est, per magnum cape, et dabitur præsentibus dies. Ad²⁷ quem si
[008] non venerint cum diem habuerint in iudicio quem dedicere non poterunt,
[009] capiatur de terra communi in manum domini regis per parvum cape pro²⁸
[010] rata,²⁹ scilicet pro ea parte quæ singulos eorum qui absentes sunt contingit
[011] et non tota, quia hereditas et res communis recipit partitionem et divisionem
[012] inter participes et coheredes. Sed de viro et uxore non sic cum res
[013] uxoria partitionem vel divisionem non recipiat, cum vir et uxor sint quasi
[014] unus sanguis et una caro et³⁰ unum corpus.³¹ Nihil enim habet uxor quod
[015] non sit viri. Et unde cum implacitati fuerint primo die summonitionis,
[016] antequam comparuerint uterque fecerit³² defaltam, tota terra capiatur in
[017] manum³³ domini regis per magnum cape. Et idem erit si unus eorum
[018] defaltam fecerit, licet alius comparuerit vel se essoniaverit. Si autem
[019] uterque defaltam fecerit³⁴ postquam comparuerint,³⁵ capiatur³⁶ terra in
[020] manum³⁷ domini regis per parvum cape. Et idem erit si unus eorum
[021] defaltam fecerit quia defalta unius utrique erit damnosa. Item esto quod³⁸
[022] uxor antequam comparuerit primo die defaltam fecerit et vir comparuerit,
[023] capiatur³⁹ terra in manum⁴⁰ domini regis per magnum cape et ipsa summoneatur
[024] quod sit ad alium diem, et vir habebit eundem diem, ad quem
[025] diem si vir defaltam fecerit et uxor venerit, tunc primo videndum an uxor
[026] sanare possit defaltam per legem vel alio modo. Si autem defaltam sanare
[027] non possit, tunc amittet uterque per defaltam mulieris statim, nec erit
[028] vir summonendus quod sit auditurus iudicium. Si autem defaltam sanaverit,
[029] non obstante absentia viri restituetur ei terra quæ capta fuit in
[030] manum domini regis per magnum cape per defaltam suam. Et si vir suus
[031] infra quartum diem non comparuerit, offerente se liti petente quarto die
[032] versus eum,⁴¹ iterum capiatur terra in manum domini regis per defaltam
[033] viri per parvum cape et ipse summoneatur quod sit auditurus iudicium
[034] suum, et uxor habeat eundem diem. Forma brevis talis est.

Notes

24. manu, OC, MG, CE.

25. et, OB, MA, MB.

26. parte, OC, CE.

27. et ad, OA, MC, LA, CM, Y.

28-29. Om., OC, MG, CE.

30-31. Om., OC, CE.

32. Om., OB, MA, MB.

33. manu, OC, MG, CE.

34. fecerint, V, OC, CE.

35. apparuerint, OA, OB, MA, MB, Y.

36. capietur, OA, OB, MB, LA, Y.

37. manu, OC, MG, CE.

38. q. cum petens, OC, MG, CE.

39. capietur, V, MB.

40. manu, OC, MG, CE.

41. ipsum, OB, MA, MB.