Bracton: Thorne Edition: Latin. Volume 3, Page 373

Harvard Law School Library

Bracton Online -- Latin

Volume 3, Page 373

Next

Go to Volume: Page:

[001] ad forum spectat ecclesiasticum, vobis mandamus quatenus convocatis
[002] coram vobis convocandis rei veritatem diligenter inquiratis, et inquisitionem
[003] quam inde feceritis sciri faciatis iustitiariis nostris apud West-monasterium
[004] per litteras nostras patentes. Teste etcetera.

De officio ordinarii.

[006] ORDINARIUS¹⁶ cum litteras domini regis acceperit secundum consultationem
[007] Martini procedere debet ad inquisitione faciendam, hoc modo.
[008] Et unde Petrus de Rupe tunc Wintoniensis episcopus consuluit eundem
[009] Martinum in hoc casu. Qui ei rescripsit quod in quacumque diocesi ille
[010] qui exceptionem opposuerit¹⁷ domicilium habuerit, fiat ei talis denuntiatio
[011] per ordinarium quod si voluerit veniat contra matrimonium dicturus,
[012] secundum quod ei melius viderit expedire, ad diem quem¹⁸ ordinarius ei
[013] præfixerit.¹⁹ Et sive tunc venerit sive non, testes quos mulier quæ voluerit
[014] matrimonium probare, et qui certa ratione recusari non possint,²⁰ produxerit
[015] pro²¹ se admittantur. Et præstito sacramento dicta eorum recitentur
[016] in publico, et veritate absque magna iuris solemnitate quasi
[017] summatim inquisita, remittatur domino regi inquisitio vel iustitiariis
[018] suis secundum formam mandati, nec audietur quis appellans in hoc casu
[019] non magis quam in²² inquisitione de bastardia, quia si talis audiretur
[020] appellans protrahi posset negotium in infinitum. Et sic²³ mulier desperans
[021] infecto negotio recederet de lite sua. Et quia solummodo ad personas et
[022] ordinarios in litteris domini regis comprehensos demandatur²⁴ inquisitio,
[023] non extenditur iurisdictio ad alias personas et maxime extra regnum, quia
[024] si episcopus ad appellationem alicuius partis ad dominum papam interpositam
[025] subsisteret nec ulterius inquireret, per²⁵ hoc posset domino regi
[026] præiudicium generari, quia sic posset papa in huiusmodi casibus indistincte
[027] et quasi indirecte de laico feodo iudicare ratione matrimonii, quia²⁶
[028] incidens est et non principale sed laicum feodum. Sed quoniam dicit ubi
[029] nullum matrimonium ibi nulla dos, et e converso ubi matrimonium ibi
[030] dos, et²⁷ si²⁸ ab initio matrimonium ibi dos durante matrimonio, et
[031] deficiente matrimonio deficiat dotis exactio, ideo de matrimonio videndum
[032] de quo sequitur dotis exactio. Et ad hoc sciendum quod habet quis²⁹
[033] legitimam concubinam et ex ea prolem in concubinatu, et postmodum³⁰
[034] contrahit cum eadem clandestinum matrimonium, et post contractum
[035] clandestinum suscitat ab eadem prolem. Item postmodum contrahit cum
[036] eadem publice et in facie ecclesiæ et dotat eam ad ostium ecclesiæ. In
[037] hoc casu erit ille legitimus qui ex clandestino matrimonio natus fuerit,

Notes

16. o. vero, OC, CM, MC, LA.

17. proposuerit, MC, LA.

18. quam, V, OC; om., MG.

19. præfixit, OC, CM.

20. possunt, MG, CM.

21. per, MC, LA, OC.

22. Om., OB, MG, CM, LA.

23. si, OB, MA, MB, MG, CM.

24. demandetur, MA, CM.

25. propter, OB, MA, MB, MG; om., OC.

26. quod, MC, LA, OC.

27-28. sed, CE; sed si, MA, MB, MG, Y.

29. Om., LA, CM.

30. postea, OB, MA, MB, MG, CM, Y.