Bracton: Thorne Edition: Latin. Volume 3, Page 366

Harvard Law School Library

Bracton Online -- Latin

Volume 3, Page 366

Next

Go to Volume: Page:

[001] quod eidem A. de prædicta terra cum pertinentiis sine dilatione
[002] f.300] plenariam seisinam habere facias, et eidem C. de terra ipsius D.
[003] excambium ad valentiam per visum legalium hominum et per rationabilem
[004] extensionem sine dilatione facias assignari. Si autem heres infra ætatem
[005] non fuerit sed plenæ ætatis, tunc variatur breve in parte, ita¹ scilicet:
[006] Scias quod cum A. quæ fuit uxor B. in curia nostra etcetera, peteret
[007] in² dotem versus C. tantam terram cum pertinentiis in tali villa, et unde
[008] prædictus B. eam³ nominatim dotavit, idem C. venit in eadem curia et
[009] vocavit inde ad warantum D. filium, vel fratrem vel alium heredem,
[010] prædicti B. per quem ipsa clamat dotem illam.⁴ Vel sic: D. filium et
[011] heredem, vel fratrem vel alium heredem, ipsius B. et⁵ warantum ipsius A.
[012] de dote sua. Qui venit in eadem curia et eidem C. terram illam warantizavit
[013] et nihil ostendit quare prædicta A. terram illam non haberet ut
[014] dotem suam nominatam. Et unde consideratum est in eadem curia nostra
[015] etcetera, per omnia ut supra. Et ita in primo casu remanebit quilibet
[016] eorum taliter in seisina quousque idem minor ad ætatem pervenerit, et
[017] ipse tunc deliberet si possit ipsi tenenti terram suam quam mulier recuperavit.
[018] Et si illam deliberavit, rehabeat terram suam quam dedit in
[019] excambium. Sin autem, remaneat quilibet eorum in tali seisina tota vita
[020] ipsius mulieris. Si vero de tertia parte dote non nominata seisinam
[021] recuperaverit mulier versus minorem cum vocatus fuerit ad warantum,
[022] tenens tenebit in pace terram petitam et mulier habebit ad valentiam
[023] de terra minoris per tale breve.

Breve si de tertia parte dotis non nominatæ recuperaverit et inde quod feoffatus teneat in pace et heres faciat dotem mulieri petenti.

[025] REX vicecomiti salutem. Scias quod cum A. quæ fuit uxor B. in curia
[026] nostra etcetera, peteret versus C. tertiam partem tantæ terræ cum pertinentiis
[027] in tali villa ut dotem suam, idem C. venit in eadem curia coram
[028] etcetera, et vocavit inde ad warantum D. filium et heredem prædicti
[029] B. quondam viri ipsius A. qui est infra ætatem, et qui venit et ei warantizavit,
[030] et qui nihil ostendit quare dotem suam inde habere non debuit.
[031] Et unde consideratum est in eadem curia coram etcetera, quod prædictus
[032] C. terram petitam teneat in pace, et quod prædicta A. habeat de terra
[033] ipsius D. nomine dotis ad valentiam prædictæ⁶ tertiæ partis. Et ideo
[034] tibi præcipimus quod facta prius extensione de prædicta tertia parte,
[035] eidem A. de terra ipsius D. in loco competenti ad valentiam prædictæ
[036] tertiæ partis per visum legalium hominum et secundum quod prædictum
[037] est sine dilatione habere facias et assignari. Teste etcetera. Et eodem

Notes

1. Om., OB, MA, MB, MG, CE, Y.

2. Om., OB, MA, MB, MG, OC (om. in dotem).

3. eandem, OB, MA, MB, MG, CE, Y, Co.

4. suam, V, CM, MG.

5. ad, OB, MA, MB, MG, CE, Y, Co.

6. Om., OB, MA, MB, MG.