Bracton: Thorne Edition: Latin. Volume 3, Page 300

Harvard Law School Library

Bracton Online -- Latin

Volume 3, Page 300

Next

Go to Volume: Page:

[001] domini sui extiterit et in statu libero, et petitus in servitutem et perquisiverit
[002] sibi breve de pace et sic obierit ante iter iustitiariorum. Si
[003] autem sub potestate constitutus sibi breve de pace perquisiverit, non
[004] valet nisi procedat petitio per breve de nativis.> Item cadit assisa
[005] aliquando⁴⁶ propter incertitudinem, ut si tenens dicat quod totam terram
[006] non teneat, et iuratores quæsiti cum sacramento vel sine dicant quod
[007] nesciant. Ut de itinere Willelmi de Ralegha in comitatu Norhamtoniæ,⁴⁷
[008] si Willelmus de Camera. Item cadit assisa propter defectum naturæ
[009] f.274] vel sensus ipsius tenentis, ut si omnino audire vel loqui non
[010] possit, ut si sit surdus vel mutus naturaliter ita quod omnino audire non
[011] possit neque loqui, quod non est de eo qui tarde audit vel loquitur. Ut
[012] de itinere Willelmi de Ralegha in comitatu Norhamtoniæ,¹ assisa mortis
[013] inter Radulphum Basset et Thomam de Pictesleghe.² Si autem³ a casu
[014] venerit illa surditas,⁴ non tunc cadit assisa, sed erit⁵ differenda⁶ quousque
[015] status ipsius tenentis melioretur. Et quod dictum est de surdo et muto
[016] dici poterit de furioso, secundum quod gavisus fuerit aliquando dilucidis
[017] intervallis. Item cadit assisa propter continuationem seisinæ donatoris.
[018] Verba gratia: pater dedit filio quandam terram et simul remanserunt in
[019] seisina, filius præmoritur vivente⁷ patre relicto herede: si heres petat per
[020] assisam non⁸ valet,⁹ propter seisinam patris continuatam quam corpore
[021] et animo retinuit. Ut¹⁰ de ultimo itinere Martini de Pateshilla in comitatu
[022] Suffolciæ, assisa mortis,¹¹ si Rogerus Batayle. Si autem pater præmoriatur,
[023] heres ipsius obtinebit per assisam propter seisinam patris continuatam
[024] usque ad mortem. Item cadit assisa ratione iuris et æsnesciæ, ut si frater
[025] petentis antenatus præmortuus filium reliquerit superstitem, vel de quo
[026] doceri possit quod superstes sit per iuratores cum sacramento vel sine.
[027] Si autem nihil horum¹² doceri possit vel si iuratores dubitaverint utrum
[028] ita sit vel non, tunc procedet assisa inter eos qui præsentes sunt. Item
[029] cadit assisa si a tenente obiciatur quod petens vel alius heres propinquior
[030] alias movit ei litem¹³ de eadem terra, et quod tunc¹⁴ remansit ei terra
[031] illa per iudicium vel duellum vel magnam assisam vel finem factum,
[032] recognitionem, quietam clamantiam, vel alio quocumque modo qui
[033] probari possit per assisam captam in modum iuratæ. Item cadit assisa
[034] propter ordinem brevium non observatum, ut si prius implacitaverit
[035] petens ipsum tenentem per breve de recto vel de ingressu, ita quod visus
[036] petitus sit vel warantus vocatus. Ut de itinere Willelmi de Ralegha in

Notes

46. Om., CM, MC, LA.

47. Norfolciæ, MA, MB, MC, LA; Northwich., OC.

1. Norfolciæ, MA, MB, MC, LA.

2. Patesl., Pateslag., Riteslegh., Pitehegh., MSS. var.

3. Om., OB, MA, MB.

4. absurditas, OA, OC, MG, CM, LA.

5. Om., OB, MA, MB, OC.

5-6. differtur, LA, MC.

7. veniente, LA, MC.

8-9. Om., OB, MA, MB.

10. Om., LA, MC.

11. m. antecessoris, MA, CM, MG.

12. eorum, MC, LA.

13. breve, LA, MC.

14. Om., OB, MA, MB, CE.