Bracton: Thorne Edition: Latin. Volume 3, Page 258

Harvard Law School Library

Bracton Online -- Latin

Volume 3, Page 258

Next

Go to Volume: Page:

[001] Et ideo tibi præcipimus quod assumptis tecum duodecim tam militibus
[002] quam aliis liberis, legalibus et discretis hominibus de visneto illo per quos
[003] negotium melius expediri poterit, in propria persona tua accedas ad
[004] manerium illud et per eorum sacramentum extendi facias et appretiari
[005] viginti solidatas terræ et redditus in prædicto manerio loco competenti,
[006] et facta extensione et appretiatione, tunc per visum recognitorum prædictorum
[007] habere facias et assignare eidem tali prædictas³ viginti solidatas
[008] terræ et redditus cum pertinentiis per rationabilem extensionem. Et quid
[009] et ubi et per quas particulas terram illam et redditum ei assignaveris
[010] nobis vel iustitiariis nostris etcetera, tali loco et tali die, evidenter et
[011] distincte et aperte per litteras tuas sigillatas sigillo tuo et sigillis prædictorum⁴
[012] duodecim iuratorum, et per duos legales homines ex illis per quorum
[013] visum terram illam et redditum ei assignaveris. Et habeas ibi hoc breve
[014] et nomina eorum per quorum visum terram illam ei assignaveris.

De exceptionibus et responsionibus tenentis contra assisam, quare debeat remanere.

[016] ITEM partibus in iudicio constitutis multa poterit dicere tenens contra
[017] personam iustitiarii⁵ de iurisdictione. Item contra breve impetratum
[018] de errore. Item contra personam petentis quare non possit petere. Item
[019] de minus legitima summonitione. Item contra⁶ personas iuratorum. Et
[020] hæc sunt quasi extra assisam et non tangunt actionem neque⁷ perimunt,
[021] sed ad tempus impediunt, secundum quod in magna parte dictum est
[022] supra in tractatu de assisa novæ disseisinæ. Sed quia superius minus dictum
[023] est de summonitione quia nulla est ibi summonitio sed attachiamentum.⁸
[024] Cum igitur tenens summoneatur ad certum diem quod sit auditurus
[025] recognitionem illam, tunc aut est summonitio illa legitima et rationabilis
[026] vel minus legitima, sive testata fuerit sive non testata.⁹ Si autem legitima,
[027] tunc procedatur in assisa. Si autem illegitima, aut est calumniata aut
[028] non est¹⁰ calumniata. Si autem calumniata sit,¹¹ inquiratur a summonitoribus,
[029] facta examinatione separata, de die et loco et aliis circumstantiis,
[030] et si facta examinatione constiterit summonitionem esse legitimam, tunc
[031] procedatur ut prius ad assisam. Si autem constiterit illam esse illegitimam,¹²
[032] tunc detur alius dies legitimus secundum quod partes fuerint
[033] manentes infra comitatum vel extra. Ad quem diem poterit tenens se
[034] f.257b] essoniare si voluerit, si defaltam fecerit non erit resummonendus¹³
[035] sed capiatur assisa per defaltam, quia diem datum in banco dedicere non
[036] poterit nec etiam causari post essonium factum,¹⁴ quia per essonium

Notes

3. prædictos, OC, MG, CM.

4. eorum p., OC, MG.

5. iustitiariorum, OA; iustit., MSS. gen.

6. Om., OC, MG.

7. nec, OA, CE.

8. a. hic in parte dicendum est, V; a. hic dicendum est, Y (+); sic, MSS. gen.

9. Om., OC, MG.

10. Om., OC, MG, MB.

11. Om., MA, MB, CM.

12. legitimam, CE, MB.

13. summonendus, MA, MB.

14. peractum, OC, MG.