Bracton: Thorne Edition: Latin. Volume 3, Page 245

Harvard Law School Library

Bracton Online -- Latin

Volume 3, Page 245

Next

Go to Volume: Page:

DE ASSISA MORTIS ANTECESSORIS

De assisa mortis antecessoris.

[003] SUPRA dictum est de seisina propria cum quis iniuste per violentiam
[004] fuerit disseisitus omnino, vel impeditus quo minus commode uti
[005] possit seisina, qualiter restituatur. Nunc autem dicendum⁸ de seisina
[006] aliena et propinqua, scilicet alicuius antecessoris præmortui, qualiter
[007] heredibus propinquioribus adquiratur. De iis de quibus antecessor obiit
[008] seisitus ut de feodo, quacumque ratione vel quocumque titulo, sive consistant⁹
[009] in corpore sive in iure, heres propinquior eandem habebit seisinam
[010] quam antecessor habuit. Et si plenæ ætatis extiterit et vacuam possessionem
[011] invenerit, si tempore mortis antecessoris præsens non fuerit, bene
[012] licebit ei se ponere in seisinam, dum tamen paratus sit facere¹⁰ domino suo
[013] capitali quod de iure et secundum legem terræ facere debebit¹¹ cum ipsum
[014] ad dominum recognoverit. Eodem modo si tempore mortis antecessoris in
[015] seisina inventus fuerit cum¹² ipso antecessore cuiuscumque ætatis extiterit,
[016] et¹³ ad heredem recognitus fuerit, et dominorum poterit resistere
[017] violentiæ si nitantur eum eicere cum plenæ ætatis extiterit.¹⁴ Si autem
[018] minoris ætatis, tunc¹⁵ prius habebit dominus custodiam terrarum vel
[019] corporis quam¹⁶ ceperit homagium heredis. Si autem dominus capitalis
[020] tales cum in seisina fuerint et¹⁷ heredes contra eorum voluntatem eiecerit,
[021] sive ipsos heredes recognoverit sive non, per assisam novæ disseisinæ
[022] seisinam suam rehabebunt cum plenæ ætatis extiterint. Si autem minor
[023] eiectus fuerit, habebit duo remedia, assisam videlicet novæ disseisinæ
[024] vel mortis antecessoris,¹⁸ quamcumque istarum elegerit. Et si in¹⁹ una
[025] f.252b] defecerit, regressum habebit ad aliam, ordine tamen observato.
[026] Et cum tales heredes ita in possessione extiterint, non denegabitur
[027] domino capitali simplicem habere seisinam ut pro domino recognoscatur,
[028] ita tamen quod nihil inde capiat nec aliquem²⁰ a possessione amoveat²¹
[029] contra ipsorum heredum voluntatem. Et²² quamvis a quibusdam dicatur
[030] quod capitalis dominus primam habere debeat seisinam post mortem

Notes

8. d. est, OC, MG, CM, MC.

9. consistat, OC, MG, CM.

10. satisfacere, OC, MG.

11. debet, OC, MG, MB; debuit, MA.

12. in, OC, MG; om., CM.

13. Om., OC, MG.

14. extiterint, OA, CE.

15. non, OC, MG, CM; tunc non, V.

16. antequam, OC, MG, MC.

17. Om., OC, MG, CM, MC.

18. antecessorum, OA, CE.

19. Om., MSS. var.

20. aliquid, OC, MG.

21. moveat, OC, MG.

22. Om., OC, MG.