Harvard Law School Library
Bracton Online -- Latin
Previous   Volume 3, Page 159  Next    

Go to Volume:      Page:    



[001] modo competunt heredi duo remedia ut supra, quia antecessor in utroque
 [002] casu satis moritur seisitus ut de feodo, et heres nihilominus habere posset
 [003] breve de ingressu etiam sine clausula, cum nihil possit imputari negligentiæ
 [004] antecessoris. Si autem negligens inveniatur quod sibi non perquisiverit
 [005] cum possit,9 quasi iuris sui contemptor sibi præiudicat et heredibus suis,
 [006] cum negligentia et patientia inducant consensum et dissimulatio longa
 [007] tollat iniuriam, et tale erit præiudicium quod heres vix audiri poterit super
 [008] proprietate per breve de recto. Cum autem disseisitus diligens fuerit ut
 [009] prædictum est, vel cum nihil sit quod negligentiæ suæ possit imputari,
 [010] datur heredi actio per breve formatum hoc modo in persona heredis
 [011] disseisitoris.

Breve.


 [013] REX vicecomiti salutem. Præcipe A. quod iuste etcetera reddat B. tantum
 [014] terræ cum pertinentiis in tali villa, et in quam non habet ingressum nisi per
 [015] f.219b] C. patrem ipsius A. cuius heres ipse est, qui prædictum B. inde
 [016] iniuste et sine iudicio disseisivit, et postquam etcetera. Et unde assisa
 [017] novæ disseisinæ summonita fuit coram iustitiariis nostris ad primam etcetera,
 [018] et visus terræ factus, et remansit assisa capienda, eo quod prædictus
 [019] C. obiit ante captionem illius assisæ vel antequam iustitiarii nostri in
 [020] partes illas venirent. Et nisi fecerit, et idem B. fecerit te securum de clamore
 [021] etcetera, tunc summone etcetera, quod sit coram iustitiariis etcetera,
 [022] ostensurus quare non fecerit. Et habeas ibi summonitores et hoc breve. Et
 [023] habebit locum istud breve tam versus extraneos qui ingressum habuerint10
 [024] per disseisitorem, unum vel plures, quatenus gradus etiam11 ingressus12
 [025] et personæ permiserint, quam versus heredes disseisitoris vel versus
 [026] eos qui ingressum habuerint13 per heredes usque ad tertiam personam
 [027] inclusivam. Ut si dicatur: Præcipe A. quod iuste etcetera reddat B. tantum
 [028] terræ cum pertinentiis in tali villa, in quam non habet ingressum nisi per
 [029] C. filium et heredem D. qui terram illam ei dimisit, postquam idem D.
 [030] iniuste et sine iudicio disseisiverat ipsum B.: vel si disseisitus mortuus
 [031] fuerit et heres disseisiti petat versus heredem disseisitoris. Et tunc sic:
 [032] Præcipe A. quod iuste etcetera reddat B. tantum terræ cum pertinentiis
 [033] in tali villa, et in quam non habet ingressum nisi per C. filium et heredem
 [034] D. qui terram illam ei dimisit, postquam idem D. iniuste et sine iudicio
 [035] disseisiverat E. patrem ipsius B, avunculum vel amitam ipsius B. vel
 [036] alium antecessorem, cuius heres ipse B.14 est ut dicit. <Item si quis disseisitorem
 [037] disseisiverit et postea rem ad alium transtulerit, tunc dici non
 [038] potest quod primus disseisitor ei dimisit. Et ideo dicatur sic: in quam non

Notes

9. posset, V, MG.

10. habuerunt, OC, MG, MA.

11. et, CE, Co, MG, CM; etiam et, MA.

12. gressus, OA, CE, OB, MA, MB, Co.

13. habuerunt, LA, MC, MG.

14. Om., CE, CM.

Contact: specialc@law.harvard.edu
Page last reviewed April 2003.
© 2003 The President and Fellows of Harvard College