Bracton: Thorne Edition: Latin. Volume 2, Page 383

Harvard Law School Library

Bracton Online -- Latin

Volume 2, Page 383

Next

Go to Volume: Page:

[001] quod elegit transitum per talem villam via quæ ducit versus Scotiam, vel
[002] Hiberniam, vel alibi. Sed¹² quod¹³ cognoscere debeat maleficium non est
[003] semper necesse, quia subicere poterit. Si ad ecclesiam confugerit postquam
[004] fuerit per patriam condemnatus, sive ante iudicium sive post, vel si fugerit
[005] ad ecclesiam cum captus fuerit seisitus, et in nullo istorum casuum cum ad
[006] ecclesiam confugerit morari poterit in ecclesia per quadraginta dies, sicut
[007] quidam dicunt, sed statim in adventu iustitiariorum vel coronatorum exire
[008] debet¹⁴ et facere legem terræ. Spatium vero¹⁵ quadraginta dierum olim dari
[009] solet damnatis per assisam de Clarendona, qui cum exire deberent¹⁶ regnum
[010] possent¹⁷ per quadraginta dies moram facere et quærere subsidia amicorum.

Quod non debet morari in ecclesia per quadraginta dies, et si velit quid tunc agendum sit.

[012] CONSTITUTIO quidem talis fuit quod quamvis aliquis se purgaret iudicio
[013] æquæ vel ignis, hic nihilominus regnum abiuraret, et habuit¹⁸ spatium illud
[014] occasione prædicta, quod quidem non est aliis concedendum. Sed quid si
[015] ille qui ad ecclesiam confugerit exire noluerit ab ecclesia, numquid¹⁹ poterit
[016] per vim extrahi per manum laicalem? Non, ut videtur, quia hoc esset horribile
[017] et nefandum. Videtur ergo quod ordinarius loci sicut archidiaconus vel
[018] officialis suus,²⁰ decanus vel persona, hoc facere possent et deberent, scilicet
[019] compellere eum²¹ exire, quia gladius debet iuvare gladium et iuris executio
[020] non habet iniuriam. Et cum talis exire noluerit nisi compulsus, præsumitur
[021] vehementer contra ipsum quod malus sit, <cum sit latro publicus
[022] maxime>, et defendere eum in ecclesia nihil aliud erit quam facere contra
[023] pacem et contra ipsum²² regem qui pacem tueri debet ad securitatem
[024] omnium. Et si talis exire compelli non possit, saltem cum in ecclesia fuerit
[025] per unam noctem ad plus, sic poterit se tenere in²³ ecclesia²⁴ per quadraginta
[026] dies et per annum et biennium, si hoc fuerit in voluntate malefactoris.
[027] Quid igitur fiet cum ordinarii timeant irregularitatem et laici excommunicationem?
[028] Nihil aliud ergo video nisi quod tali²⁵ denegentur²⁶ cibaria, ut
[029] gratis exeat et petat quod contemptibiliter recusavit, et qui tali²⁷ super hoc
[030] cibaria ministraverit²⁸ tamquam inimicus regis et præsumptor contra pacem
[031] censeatur. Et sic fiat²⁹ de illis qui debent regnum abiurare et in exilium
[032] mitti.

De divisione exiliorum.

[034] EST enim exilium triplex ad minus, aut certorum locorum interdictio, sicut
[035] provinciæ alicuius, civitatis, burgi vel villæ, imperpetuum vel ad tempus,

Notes

12. secundum, CE, MC.

13. quia, MG, CM, OC; quod semper, LA, MC, Y.

14. debeat, MG, CM.

15. Om., OB, MA, MB.

16. deberet, OB, MA, MB.

17. posset, OA, MG, CM, OB, MA, MB.

18. haberet, CE, Y.

19. numquam, MG, CM.

20. sive, MG, CM.

21. ipsum, LA, Y, MC; om., OC.

22. Om., MG, CM, OC.

23-24. Om., OB, MA, MB.

25-26. denegetur tali, MG, CM.

27. Om., OB, MA, MB.

28. ministravit, OB, MA.

29. fiet, MG, CM.