Bracton: Thorne Edition: Latin. Volume 2, Page 235

Harvard Law School Library

Bracton Online -- Latin

Volume 2, Page 235

Next

Go to Volume: Page:

[001] sona domini vice versa, et dissolvi et extingui in persona tenentis et convalescere
[002] in persona alterius, ut si tenens cum homagium fecerit domino
[003] suo, se dimiserit ex toto de hereditate sua et alium feoffaverit tenendi de
[004] domino capitali. Et quo casu tenens absolvitur ab homagio, et extinguitur
[005] homagium velit nolit dominus capitalis, et incipit in persona feoffati qui
[006] obligatur propter tenementum quod¹ est feodum domini capitalis. Item
[007] homagium quod sic extinguitur in persona tenentis iterum revivisci poterit
[008] in persona eiusdem, sed ex alia causa, ut si feoffatus ab eo idem² tenementum
[009] ei³ restituat tenendum de eodem capitali domino. Item extingui poterit
[010] homagium et obligatio dissolvi ex utraque parte multis modis, quod tenementum
[011] datum pro homagio et servitio remanebit capitali domino tamquam
[012] eschæta sua in dominico, tum propter defectum, tum propter delictum.
[013] Propter⁴ defectum,⁵ ut si tenens et feoffatus sibi et heredibus suis
[014] certis vel incertis sine heredibus decesserit omnino, vel sine herede⁶ de se:
[015] et quo casu extinguitur omnino homagium et obligatio, quod⁷ tenementum
[016] cadit in dominicum. Homagium,⁸ quia non sunt partes inter quas contrahi
[017] possit, cum contrahi non possit nisi inter duas personas: obligatio, quia
[018] deficiunt heredes in personis quorum possit⁹ homagium suscitari. Et qualiter
[019] hoc fit in pluribus casibus dicetur infra de eschætis plenius. Item propter
[020] delictum, ut si tenens alicuius feloniam fecerit vel aliquid¹⁰ aliud propter quod
[021] debeat exheredari, et quo casu extinguitur homagium et dissolvitur obligatio
[022] ex utraque parte ratione prædicta, et revertitur tenementum¹¹ ad capitalem
[023] dominum in dominico ut eschæta sua. Item extinguitur homagium de
[024] iure et dissolvitur obligatio et vinculum fidelitatis, ut cum quis homagium
[025] fecerit domino suo et servitium illum¹² malitiose deadvocaverit omnino,
[026] quod nihil tenuerit de eo, ad exheredationem domini sui cui per homagium
[027] obligatus fuerat et fidelitatis¹³ sacramentum: et quo casu licet homagium¹⁴
[028] et obligatio teneat ex parte domini si voluerit, non tamen tenet ex parte
[029] tenentis cum¹⁵ per abnegationem domini sui homagium et vinculum fidelitatis
[030] infringit. Et competunt domino in hoc casu duo remedia ut videtur,
[031] vel quod petat tenementum tenentis sui, quod de eo tenere debuit in dominico,
[032] quia deadvocatus est per tenentem in cuius persona deficit obligatio,
[033] vel quod petat servitium eo quod tenet obligatio in persona sua, et remittat
[034] tenenti de¹⁶ gratia tenementum. Refert tamen per quod breve. Si autem
[035] per breve de recto ut quidam dicunt, videtur quod non possit, sive¹⁷ ipse

Notes

1. quod tenet quod, OA, LA, MC, OC, V.

2-3. Om., OB.

3. Om., MA, MB.

4-5. Om., OB, MA, MB.

6. heredibus, OB, MA.

7. quia, OA, LA, OC, MC, CM, V.

8. pro defectu homagii, MG, V.

9. posset, V, OA, LA, OC.

10. quid, OA, LA, OC, MC.

11. Om., OB, MB, CE, MG, Y.

12. illud, V, MG, CM, MB, Y; ille, OC.

13. Om., OB, MA, MB.

14. hoc homagium, OB, MA, MB.

15. qui, OA, LA, V; quia, OC.

16. ex, OB, MA, MB.

17. sive, OA, OC, LA, MA, MB, MC, Y, CE; nisi, OB, MG, V; sive alias nisi, CM.