Bracton: Thorne Edition: Latin. Volume 2, Page 209

Harvard Law School Library

Bracton Online -- Latin

Volume 2, Page 209

Next

Go to Volume: Page:

[001] dicuntur iustitiarii cum constituuntur a rege, aliquando eliguntur a partibus
[002] de consensu communi, ideo imprimis videndum est⁵ qualiter a rege
[003] constituuntur, et per quod breve. Breve tale⁶ est.⁷

De iustitiariis constituendis ad partitionem faciendam.

[005] REX dilectis et fidelibus suis A. B. C. D. salutem. Sciatis quod constituimus
[006] vos iustitiarios, ut coram vobis omnibus vel aliquo ex vobis, si omnes
[007] interesse non possitis, fiat extensio per talem et talem de talibus honoribus,
[008] secundum quod prædictis talibus et sociis suis per litteras nostras⁸ patentes
[009] significavimus.⁹ Et ideo vobis mandamus quod tali die conveniatis apud
[010] talem locum, et per sacramentum prædictorum talium, vel quorundam ex
[011] illis si omnes electi per communem assensum partium non intersint, legaliter,
[012] discrete et rationabiliter extendatis, et appretiari faciatis omnes terras
[013] et omnia tenementa de prædictis honoribus N. cum omnibus pertinentiis
[014] suis, scilicet in dominicis, villenagiis, in¹⁰ servitiis liberorum hominum, in
[015] pratis, pasturis, boscis et planis, et¹¹ omnibus aliis rebus ad terras illas et
[016] tenementa illa pertinentibus. Et si forte omnes extensores electi ad diem
[017] illum non venerint, vel cum venerint extensionem illam facere noluerint,
[018] tunc alios¹² legales et discretos homines loco illorum¹³ ponatis, quos¹⁴ ad hoc
[019] inveneritis magis utiles, et per eorum sacramentum extensionem illam et
[020] appretiationem fieri faciatis, secundum quod prædictum est, ita quod extensio
[021] illa ultra diem illum nullo modo differatur. Et sciatis quod prædictus
[022] talis et talis manuceperunt habendi suos extensores, scilicet a partibus
[023] electos et superius nominatos, ad eundem diem. Et¹⁵ extensionem et appretiationem
[024] illam evidenter, distincte et aperte scire faciatis nobis vel¹⁶
[025] iustitiariis nostris talibus tali loco, tali die, sub sigillis prædictorum extensorum.
[026] In cuius rei testimonium etcetera. Teste etcetera. Item alia forma
[027] de eodem, et si illi de comitatu illo sint rebelles, qualiter¹⁷ alii loco eorum¹⁸
[028] assumendi sunt de alio comitatu ad faciendam extensionem.

De iustitiariis constituendis ut intersint partitioni.

[030] REX dilectis et fidelibus suis¹⁹ salutem. Sciatis quod constituimus vos iustitiarios
[031] nostros, ut intersitis extensioni et appretiationi faciendæ inter tales
[032] et tales de tali honore cum pertinentiis, ita quod extensio illa et appretiatio
[033] fiat coram vobis tali die apud talem locum, per A. B. C. D. electos ex
[034] parte tali,²⁰ et²¹ per²² E. F. G. electos ex parte tali,²³ si omnes tunc coram

Notes

5. Om., OA, LA, OC.

6-7. erit tale, MA, MG; autem tale erit, OB, MB.

8. Om., OA, LA, OC, OB, MA, MB, CE, MC.

9. signavimus, OA, LA; significamus, OB, MA, MB, CE, CM, MG.

10. et, MSS. var.; suis et, MB.

11. et in, OA, LA, MC.

12. alios et, OA, LA, MC.

13. eorum, OA, LA, OC, MC.

14. quod, MA, MB, OB.

15. ad, OB, MA, MB.

16. et, OB, MA, MB, CM.

17. quare, OB, MA, MB, CE.

18. illorum, OB, MA, MB, CE, MG.

19. suis talibus, OA, LA, CE, MC.

20. talis, OA, MC, OC, V.

21. Om., OA.

22. Om., CE.

23. talis, OA, MC, OC, V.

21-23. Om., MG, CM.