Bracton: Thorne Edition: Latin. Volume 2, Page 168

Harvard Law School Library

Bracton Online -- Latin

Volume 2, Page 168

Next

Go to Volume: Page:

[001] membrorum, et furcas, et alia quæ pertinent ad executionem iudicii, talis
[002] non prius uti poterit tali libertate quam⁸ si⁹ latro captus fuerit de quo
[003] iudicium fieri possit et debeat, sed semper¹⁰ priusquam utatur quasi utitur¹¹
[004] cum sit in potestate utendi tali libertate, donec libertatem illam amiserit
[005] per non usum: hoc est donec alius de latrone capto infra libertatem suam
[006] iustitiam fecerit et iudicium, et illum abduxerit extra libertatem suam
[007] semel secundo per negligentiam et patientiam¹² suam, eo præsente et
[008] sciente et permittente. Cum autem hoc sciverit et¹³ diligenter¹⁴ et recenter
[009] sibi perquisiverit, repetere poterit libertatem. Si autem negligens fuerit,
[010] per¹⁵ negligentiam et patientiam¹⁶ per lapsum temporis illam amittit, et
[011] extunc sine rege restitui non poterit, cum per lapsum temporis suam
[012] amiserit actionem. Item eodem modo si cui concedatur talis libertas quod
[013] quietus sit¹⁷ de theolonio et consuetudinibus dandis per totum regnum
[014] Angliæ, in terra et in mari, et quod theolonium et consuetudines capiat
[015] infra libertatem suam de ementibus et vendentibus, statim erit quasi in
[016] possessione: et possessionem retinet cum theolonium et consuetudines receperit,
[017] et¹⁸ alibi in regno extra libertatem suam per talem libertatem prætextu
[018] talis libertatis, per iudicium vel¹⁹ alio modo, cum²⁰ quietantiam
[019] habuerit in nundinis et mercatis. Et quod hic dictum est exempli causa dici
[020] poterit in²¹ omnibus aliis casibus consimilibus, sicut in his quæ pertinent ad
[021] coronam, sicut in placito de vetito namii, de²² visu franci plegii. Item de
[022] privilegiis supradictis. Est enim libertas evacuatio servitutis, et contrario
[023] modo sese respiciunt, et ideo simul non morantur. Esse enim poterit libertas
[024] ut si quis teneatur ad dandum ex servitute, sicut theolonium et consuetudines,
[025] ex libertate defendi poterit ad non dandum. Item si ex servitute
[026] teneatur quis ad non capiendum, ex libertate concessa capere poterit consuetudines
[027] et theolonia. Item si quis causa venandi vel aucupandi ingredi
[028] possit fundum alienum ex servitute fundo imposita per negligentiam vel
[029] f.56b] patientiam dominorum, ex libertate concessa prohiberi poterit ne
[030] ingrediatur. Item si ex servitute vel quasi ingrediantur ballivi fundum alicuius,
[031] sicut vicecomites et servientes regis, ex libertate a rege concessa prohiberi
[032] poterunt ne ingrediantur, sed ut per dominum libertatis summonitiones
[033] fiant, et attachiamenta, et visus franci plegii, et omnia alia quæ
[034] pertinent ad coronam. Cum autem dominus rex ita libertates concesserit
[035] sicut prædictum est, illas concedere non debet in præiudicium aliorum: ut

Notes

8-9. antequam, V; quod si, MA, MB, OB (corr. quam quando).

10-11. semper priusquam utatur quasi utitur, OB, MA, MB, CE, CM, Y, MC; semper prius quasi utitur, V, OA, LA, OC, MG.

12. per patientiam, OA, LA, OC, Y, MC.

13-14. Om., OB, MA, MB.

15-16. Om., OB, MA, MB, CE, CM.

17. Om., OA, LA, MA, MB, MC, (+ OB).

18. et cum, V, MG.

19. et, OB, MA, MB, CE, CM.

20. Om., OA, LA, OC, MG.

21. de, OB, MA, MB, CE, CM.

22. et, OB, MA, MB.