Bracton: Thorne Edition: Latin. Volume 2, Page 170

Harvard Law School Library

Bracton Online -- Latin

Volume 2, Page 170

Next

Go to Volume: Page:

[001] præferri debeant in tali libertate, cum quibusdam concessum sit quod
[002] theolonia capiant et consuetudines, et aliis ne dent, quod quidem simul
[003] stare non poterit. Recurrendum erit igitur de necessitate ad prioritatem
[004] impetrationis, si nullus eorum usus fuerit, sed quasi. Si autem unus eorum
[005] usus fuerit ita quod ab aliis ceperit theolonium et consuetudines in villa,
[006] mercato, vel nundinis, et⁴⁸ quod quietantiam habuit⁴⁹ in villa, mercato, vel
[007] nundinis,⁵⁰ talis præferri debet propter usum et retinere, cum priores sint
[008] f.57] usu quamvis non impetratione. Et hoc verum erit ubi posteriores
[009] impetratione usi fuerint, nisi illi qui priores sunt impetratione statim et
[010] recenter sibi perquisiverint. Si autem illi qui priores sunt impetratione
[011] prius usi fuerint, et quod ceperint ab aliis consuetudines in villa aliorum,
[012] libertates suas retinebunt, tam propter prioritatem impetrationis quam
[013] propter¹ prioritatem usus. Si autem post talem impetrationem libertatis
[014] et usum alii impetraverint libertatem quod uti possint,² alii qui priores sunt
[015] propter hoc libertatem suam non amittunt. Sed esto quod illi qui priores
[016] sunt impetratione et usu forte per non usum amiserint, et antequam restituti
[017] fuerint ad libertatem alii impetraverint et usi fuerint, alii qui priores
[018] fuerint³ impetratione et usu numquam restituentur. Si autem priores, post
[019] impetrationem aliorum sed ante usum, restitui fuerint, sic per restitutionem
[020] libertatem prius habitam retinebunt, et aliis præferentur propter
[021] verum usum qui usui fictitio debet præferri.

Si quis aliquem vexaverit contra libertates concessas per regem.

[023] SI quis⁴ igitur contra huiusmodi libertates illos quibus concessæ fuerint
[024] gravare vel vexare præsumpserit,⁵ summoneatur⁶ quod sit⁷ coram rege vel
[025] eius iustitiariis inde responsurus⁸ per tale breve.

Breve quare quis alium vexaverit contra libertatem.

[027] REX vicecomiti salutem. Summone per bonos summonitores maiorem et
[028] ballivos talis civitatis, burgi, vel villæ, quod sint coram nobis vel iustitiariis
[029] nostris apud talem locum, tali die, ad respondendum tali, vel talibus, quare
[030] ceperunt⁹ theolonium et consuetudines in villa sua tali de hominibus ipsius
[031] talis, vel de talibus burgensibus, contra libertates quas idem talis vel tales
[032] habent per cartam nostram et antecessorum nostrorum regum Angliæ,
[033] quibus huc usque usi sunt ut dicunt. Et habeas ibi summonitores et hoc
[034] breve. Teste etcetera.

De intentione querentis proponenda.

[036] QUI cum post essonium et dilationes venerint, proponat querens querelam

Notes

49. habuerit, MSS. var.

48-50. Om., MSS. var.

1. Om., V, LA, OC, MG.

2. possunt, V, MG.

3. fuerunt, OA, Y.

4. qui, OB, MA.

5. præsumpserint, V, OB, MA, MB, MG, Y; præsumpserunt, OC.

6-7. summoneantur quod sint, OB, MA, MB, OC, LA, MG, Y, MC.

8. responsuri, MSS. var.

9. ceperint, OB, CE.